Rada Biełaruskaj Narodnaj Respubliki pavinšavała ŭsich biełaruskich vajskoŭcaŭ, bajcoŭ, rabotnikaŭ tyłu i vałancioraŭ z Dniom biełaruskaj vajskovaj słavy, jaki adznačaŭsia 8 vieraśnia.
Tolki pieramoha Ukrainy ŭ vajnie i maksimalnaje asłableńnie ciapierašniaj šavinistyčnaj Rasii daść šaniec na vyzvaleńnie Biełarusi, havorycca ŭ zajavie Rady BNR.
Rada Biełaruskaj Narodnaj Respubliki zaklikała ŭsich biełarusaŭ, pieradusim u dyjaspary, akazvać usiu mahčymuju padtrymku biełaruskim dobraachvotnikam, jakija vajujuć na baku Ukrainy, a pry mahčymaści stanavicca ŭ ichnija šerahi albo zdabyvać vajskovyja navyki i być hatovymi ŭstupić u boj za vyzvaleńnie Biełarusi.
Za asabistuju advahu ŭ bajach va Ukrainie adznačanyja siem bajcoŭ pałka Kastusia Kalinoŭskaha, šaściora bajcoŭ 1-j asobnaj desantna-šturmavoj roty ŭ składzie Desantna-šturmavych vojskaŭ Ukrainy, adzin bajec vajskovaj čaści A2167 USU.
Ahułam miedalom adznačana 36 bajcoŭ, u hetym liku troje aficeraŭ adznačana aficerskim miedalami. Siarod uznaharodžanych dźvie žančyny.
Imiony bajcoŭ u metach biaśpieki nie nazyvajucca.
***
Rada Biełaruskaj Narodnaj Respubliki — najstarejšaja biełaruskaja palityčnaja i dziaržaŭnaja instytucyja ŭ emihracyi.
Jaje zasnavali ŭ lutym 1918 hoda ŭ Minsku. Z 1920 hoda znachodzicca ŭ emihracyi.
U Radu ciapier uvachodzić 80 čalcoŭ, jakija pradstaŭlajuć biełaruskija arhanizacyi z 15 krain: Aŭstralii, Bielhii, Vialikabrytanii, ZŠA, Kanady, Łatvii, Litvy, Hiermanii, Polščy, Rasii, Ukrainy, Francyi, Čechii, Šviecyi, Estonii. Kožnyja dva hady Rada BNR pravodzić siesii, pamiž jakimi pastajannym orhanam zastajecca Prezidyum Rady.
Z 1997 hoda Staršynioj Rady BNR zastajecca Ivonka Surviła.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ80
Kamientary