Homielski abłasny sud 8 śniežnia vynies pryhavor u dačynieńni da 15‑hadovaha padletka, žychara Buda‑Kašaloŭskaha rajona, pryznanaha vinavatym u zabojstvie z asablivaj žorstkaściu svajoj maci.
Jak paviedamiŭ prakuror adździeła prakuratury Homielskaj vobłaści Dźmitryj Dziaboj, padletak pryhavorany da vaśmi hadoŭ pazbaŭleńnia voli va ŭmovach vychavaŭčaj kałonii. Pryhavor pakul nie nabyŭ zakonnuju moc, u abvinavačanaha jość čas na jaho abskardžańnie. Dziaržabvinavaŭca prapanoŭvaŭ prymianić da jaho pakarańnie ŭ vyhladzie pazbaŭleńnia voli na 12 hadoŭ.
Pavodle słoŭ Dziaboja, rasśledavańnie kryminalnaj spravy było niaprostym.
«Jon vinu to pryznavaŭ, to admaŭlaŭsia ad svaich pakazańniaŭ.
Na sudzie niepaŭnaletni zajaviŭ, što da jaho prymianialisia niezakonnyja mietady, daviałosia adnavić śledstva, pravieści ekśpiertyzy, daprasić supracoŭnikaŭ milicyi, jakija brali ŭdzieł u jaho zatrymańni. Bolš daskanała prapracavali viersiju ab udziele inšaj asoby ŭ złačynstvie, ale hetaja viersija nie znajšła paćviardžeńniaŭ», — prakamientavaŭ prakuror.
Zabojstva było ŭčyniena 17 studzienia ŭ vioscy Pušča Buda‑Kašaloŭskaha rajona. U toj dzień 14‑hadovy padletak pryjechaŭ da maci, 1957 hoda naradžeńnia, na pracu na małočna‑tavarnuju fiermu
i paprasiŭ hrošaj dla kupli kampjutera.
Jana admoviła, patłumačyła, što hrošaj niama. Viečaram, sa słoŭ abvinavačanaha, jon vypivaŭ sa svajoj maci i jaje sužycielem. Kali sužyciel pajšoŭ, padletak uspomniŭ kryŭdu, uźnikła sprečka, padčas jakoj chłopiec nanios maci ŭdary abuchom siakiery. Žančyna pamierła na miescy.
Kamientary