Hałoŭnym dyryžoram minskaha Opiernaha staŭ rasijanin. Svaich pazvalniali za palityku
Hienieralnaja dyrektarka Vialikaha teatra opiery i baleta Biełarusi Kaciaryna Dułava pakazała na ahulnym schodzie kalektyvu teatra novaha hałoŭnaha dyryžora. Im staŭ rasijanin Arciom Makaraŭ, paviedamlaje Sputnik.
Dahetul Arciom Makaraŭ 12 hadoŭ pracavaŭ hałoŭnym dyryžoram u Baškirskim teatry opiery i baleta, maje hanarovaje zvańnie narodnaha artysta Respubliki Baškartastan. Taksama ŭ červieni hetaha hoda jon staŭ jašče i hałoŭnym dyryžoram Maskoŭskaha teatra imia Natalli Sac.
Jak adznačyŭ novy kiraŭnik arkiestra, jon ščaślivy, što znachodzicca ŭ Biełarusi i dla jaho «vialiki honar stać častkaj takoha lehiendarnaha teatra». Raniej jon užo supracoŭničaŭ ź biełaruskim teatram u niekalkich śpiektaklach, i ŭvohule ŭžo pisałasia pra toje, što Opierny teatr zrabiŭ staŭku pry vyrašeńni kadravych prablem na zaprašeńnie rasijan.
«Pakolki heta było nie spantannaje rašeńnie, ja jaho abdumvaŭ na praciahu minułaha hoda, i my ŭsio abhavaryli i z tutejšym kiraŭnictvam, i z kiraŭnictvam u Maskvie, vyrašyli, što pasprabujem sumiaścić. Ja spadziajusia, što ŭsio atrymajecca», — zajaviŭ Makaraŭ.
Biełaruskija dyryžory nie padychodzili Vialikamu teatru opiery i baleta Biełarusi z palityčnych mierkavańniaŭ. Z 2020 hoda z Opiernaha teatra zvolnili čatyroch viadomych dyryžoraŭ. Kalektyŭ byli vymušanyja pakinuć Viačasłaŭ Čarnucha-Volič, Andrej Hałanaŭ, Ivan Kaściachin, a ŭ kancy minułaha hoda — Aleh Lasun. Usie zvalnieńni byli źviazanyja z hramadzianskaj pazicyjaj tvorcaŭ.
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary