«Biełavija» pastupova adnaŭlaje pracu servisaŭ, prypynienych z-za pierachodu biełaruskaha nacyjanalnaha avijapieravozčyka na rasijskuju sistemu braniravańnia avijabiletaŭ «Leanarda», paviedamiła pres-słužba kampanii.
Z 1 vieraśnia klijentam dastupnyja nastupnyja pasłuhi:
- kupla avijabileta. Jana mahčymaja jak na pramyja, tak i na stykavyja rejsy «Biełavija». Afarmleńnie dastupna ŭ ofisach pa prodažy avijabiletaŭ «Biełavija», u pradstaŭnictvach i ŭ ahientaŭ;
- źmiena daty vyletu. Jana mahčyma ŭ ofisach pa prodažy avijabiletaŭ «Biełavija», u pradstaŭnictvach i ŭ ahientaŭ;
- viartańnie avijabileta. Jano mahčymaje pa miescy nabyćcia avijabileta. Kali bilet raniej byŭ nabyty na sajcie belavia.by, dla afarmleńnia viartańnia treba źviartacca ŭ ofisy prodažaŭ «Biełavija»;
- nabyćcio dadatkovych pasłuh: pravoz dadatkovaha bahažu; asablivych katehoryj bahažu; pieravozku niesupravadžanych dziaciej i žyvioł pakul mahčyma aformić tolki afłajn — u ofisach pa prodažy avijabiletaŭ «Biełavija», pradstaŭnictvach, u ahientaŭ.
Funkcyi, jakija ŭsio jašče zastajucca niedastupnymi:
- kupla avijabiletaŭ na sajcie;
- anłajn-rehistracyja;
- kupla miescaŭ u sałonie samalota;
- afarmleńnie lubych pasłuh z dapamohaj apłatnaj sistemy «Raźlik»;
- mabilnaja prahrama;
- servisy prahramy «Biełavija Lidar»: asabisty kabiniet, afarmleńnie premijalnych biletaŭ, vybar miesca ŭ sałonie dla ŭdzielnikaŭ elitnych uzroŭniaŭ.
Anłajn-rehistracyju (ale pakul biez mahčymaści vybaru miesca) płanujecca zapuścić 3 vieraśnia.
Ciapier čytajuć
«Źnik bieź źviestak» vielmi małady biełaruski najomnik5
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary