U 2014 hodzie isłandski paet Adalstejn A. Sihiurdsan byŭ hościem Mižnarodnaha paetyčnaha fiestyvalu imia Michasia Stralcova «Vieršy na asfalcie», jaki prajšoŭ u Minsku. Vynikam taho vizitu stała kniha «Čornaje nieba» ŭ pierakładzie Maryi Puškinaj, piša Bellit.info.
U zborniku — vybranyja tvory z knih paeta «Vieršy ziamli» (1985), «Vieršy mroi» (1992), «Ćviardynia serca» (2007), «Damy nie byvajuć samotnyja» (2011), «Aŭtapartrety» (2012), «Letniaja poŭnia» (2016).
«Dema-viersija» hetaha vydańnia ŭbačyła śviet u 2015 hodzie ŭ vydaviectvie «Krok» (Ciarnopal). U hetym vydańni jaje dapaŭniajuć najnoŭšyja pierakłady, a taksama, u jakaści paślamovy, — ese połackaha etnohrafa i paeta Uładzimira Łobača, jakoje na ŭzroŭni znakaŭ zbližaje Biełaruś i Isłandyju.
Kniha adrasujecca amataram paezii, zacikaŭlenym u paetyčnych łandšaftach śvietu. Jana raspačynaje paetyčnuju sieryju «Vieršy na asfalcie», u jakoj stvaralniki miarkujuć raskryvać čytačam dalokija i blizkija krainy praz pryzmu paezii.
Kniha vyjšła limitavanym nakładam, ale zatoje ŭ dvuch varyjantach vokładki, jakija źjaŭlajucca niehatyvam adna adnoj. Jaje možna nabyć u niekatorych kniharniach Minska.
Va Uładzimira Arłova vyjšła novaja kniha, hetym razam vieršavanaja
Źbirajucca zajaŭki na litaraturny konkurs da stahodździa «Maładniaka»
Pačynaje pryjom zajavak litaraturnaja premija imia Karłasa Šermana
Litaraturnaja premija «Debiut» imia Maksima Bahdanoviča raspačynaje novy siezon
«Luby tekst nie ŭ vieršavanaj formie dla mianie pakuta». Paetka Nasta Kudasava raskazała, jak pačała pisać, jak piša i ci zadavolenaja svaimi tvorami
Ciapier čytajuć
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary