Naŭsieda zaklikaŭ nie pieratvarać zakryćcio pamiežnych pierachodaŭ ź Biełaruśsiu ŭ sport
Prezident Litvy prapanavaŭ spačatku acanić nastupstvy takich rašeńniaŭ.
Hitanas Naŭsieda zaklikaje nie pieratvarać zakryćcio pamiežnych punktaŭ ź Biełaruśsiu ŭ «svojeasablivy sport», a ŭzvažvać rašeńni. Paśla taho jak ministarka ŭnutranych spraŭ Litvy Ahnie Biłatajcie ahučyła prapanovu zakryć jašče dva pahranpunkty, Naŭsieda zaklikaŭ spačatku acanić nastupstvy takich rašeńniaŭ, paviedamlaje Lrt.lt.
«Ja dumaju, što z hetaha nie varta rabić svajho rodu sport — my pavinny vielmi vyrazna aceńvać indyvidualny vypadak, aceńvać kožny vypadak paasobku i aceńvać mahčymyja straty, mahčymyja niazručnaści, u tym liku dla našych žycharoŭ, i tolki paśla acenki ŭsich aśpiektaŭ prymać rašeńnie, jak my, darečy, i zrabili ŭ vypadku z KPP u Ćvieračy i Šumsku», — zajaviŭ žurnalistam u aŭtorak prezident.
Paśla taho jak Litva 18 žniŭnia zakryła dva z šaści punktaŭ propusku na miažy ź Biełaruśsiu — u Šumsku (ź biełaruskaha boku «Łoša») i Ćvieračy («Vidzy»), — ministarka ŭnutranych spraŭ zajaviła ŭ paniadziełak, što ministerstva prapanuje zakryć jašče dva: u Łavaryškach («Katłoŭka») i Rajhardzie («Pryvałka»).
Takim čynam zastalisia b dva pamiežnyja punkty: u «Salečnikach» («Šalčyninkaj» — «Bieniakoni») i «Miednikach» («Kamienny Łoh»).
My nastojvajem na tym, kab pasažyrski ruch pamiž našymi krainami nie spyniaŭsia tak doŭha, nakolki heta mahčyma — Franak Viačorka
Litva nazvała jašče pierachody, jakija mohuć zakryć, i dva krytery, pa jakich całkam zakryjuć miažu ES ź Biełaruśsiu
Premjerka Litvy paabiacała nie zakryvać dvuch novych pierachodaŭ na miažy ź Biełaruśsiu
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary
Na usie toje ab čym razpaviadali Nausieda Hrybauskajcie .ińšyja brazauskasy
Nahadvać uzhadvać..iak im 20 hoł tam nahadvali Miarkuju karysna budzie i pamiać paupražniajuć historyb svaju uzhadajuć..))