Padličana da rubla. Ministr ekanomiki raskazaŭ, jakim budzie zarobak u nastupnym hodzie
U aŭtorak, 29 žniŭnia, u Domie ŭrada abmiarkoŭvajuć prajekty prahnozu sacyjalna-ekanamičnaha raźvićcia, metavych pakazčykaŭ hrašova-kredytnaj palityki i respublikanskaha biudžetu na 2024 hod.
«Płanujem, što zarobak u cełym pa ekanomicy składziecca na ŭzroŭni 2068 rubloŭ. U realnym vymiareńni heta praktyčna plus 3,9% (da prahnoznaha ŭzroŭniu 2023 hoda)», — raskazaŭ kiraŭnik Minekanomiki Alaksandr Čarviakoŭ, piša «Sputnik».
Pavodle prahnoznych pakazčykaŭ, u biudžetnym siektary ŭzrovień zarabotnaj płaty składzie kala 1680 rubloŭ.
«Dla taho, kab zabiaśpiečyć stanoŭčyja realnyja tempy rostu i dachodu zarabotnaj płaty, płanujecca, što inflacyja nie pieravysić 6%, i ŭ hetym kirunku budziem uzmocniena pracavać», — padkreśliŭ Čarviakoŭ.
U lipieni siaredni zarobak(«brudnymi») skłaŭ1933 rubli i 10 kapiejek. Čystymi (paśla vyliku padatkaŭ) heta budzie 1662 rubli 40 kapiejek.
Ale bolš spraviadlivym budzie miedyjanny zarobak (kali pałova nasielnictva zarablaje bolš za hetuju ličbu, a druhaja pałova mieniej za hetuju ličbu).
Miedyjanny zarobak ahučvajecca dva razy na hod.
Stanam na maj 2023 hoda miedyjannaja zarpłata skłała 1401 rubiel (u listapadzie 2022 hoda jana była 1268 rubloŭ).
Ciapier čytajuć
Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?4
Kamientary
Biełarus staniet biednieje, v sravnienii s 2023 hodom, na 2%.