Mocnyja damy ź piečkami pad daču. Voś varyjanty da 3 tysiač dalaraŭ u dobrych miescach
Draŭlanaja chata, šmat ziamli, piačnoje aciapleńnie i vada sa studni — takoje apisańnie adpaviadaje tysiačy viaskovych chat. I kožnaja ź ich moža stać vydatnaj dačaj dla haradžanina. Realt adabraŭ dobryja varyjanty da 3 tysiač dalaraŭ.
Morač, słucki kirunak, 164 km ad MKAD
Heta ahraharadok z usioj nieabchodnaj infrastrukturaj. Heta piać praduktovych mahazinaŭ, pošta, ambułatoryja, škoła, kafe, Dom kultury (sa spartzałaj), adździaleńnie Biełarusbanka, hramadskaja łaźnia, cyrulnia, park adpačynku, dom-muziej ramieśnika. Štodzień chodziać maršrutki da Minska.
Dom draŭlany, hod pabudovy — 1974. Ramont nie patrabujecca, piačnoje aciapleńnie spraŭnaje. Ahulnaja płošča — 47,3 m kv.
Učastak — 12,5 sotki. Na im jość usie nieabchodnyja pabudovy — draŭlany chleŭ, cahlany sklep, padstrešak dla droŭ, prybiralnia, studnia. Cana — 2 500 dalaraŭ.
Maŭčanki, miadzielski kirunak, 140 km ad MKAD
Miesca padydzie dla tych, chto lubić pabyć u cišyni i adzinocie. Vioska zusim nievialikaja — usiaho para žyłych damoŭ. Pobač praciakaje rečka Miadziełka, za 3 kiłamietry — voziera Miadzieł, za 15 kiłamietraŭ — Narač.
Tut možna kupić nievialiki draŭlany domik ź piačnym aciapleńniem. Vyhladaje jon całkam prydatnym dla žyćcia. Elektryčnaść padviedzienaja.
Na ŭčastku 20 sotak rastuć vialikija chvoi, majucca haspadarčyja pabudovy. Hety varyjant acanili ŭ 3 000 dalaraŭ.
Asaviec, miadzielski kirunak, 75 km ad MKAD
Vioska raźmieščanaja siarod vialikaha lasnoha masivu, miesca hrybnoje i malaŭničaje.
Učastak 25 sotak, abharodžany novym płotam. Košt — 3 000 dalaraŭ.
Žylichava, słucki kirunak, 135 km ad MKAD
Hety varyjant možna razhledzieć tym, kamu važnaja infrastruktura — kramy, škoła, pošta. Dom znachodzicca ŭ centry vioski — budzie zaŭsiody pad nahladam susiedziaŭ.
Chata na 54 kvadraty, z fasadam z tolki što pafarbavanaj vahonki. Aciapleńnie piačnoje, elektryčnaść padviedzienaja, vada sa studni.
Učastak nievialiki — 8 sotak. Na im haspadarčyja pabudovy i sad. Za ŭsio prosiać 2 700 dalaraŭ.
Rymašy, brescki kirunak, 100 km ad MKAD
Ab takim marać haradžanie z «sialanskaj žyłkaj» — za nievialikija hrošy kupić cełuju haspadarku i vielizarny ŭčastak ziamli. I miesca dobraje: hadzina jazdy na mašynie ad Minska, chodziać maršrutki, pryjazdžaje aŭtakrama.
Dom draŭlany, na 70 kvadrataŭ, u narmalnym stanie. U im try pakoi, piečka.
Susiedzi tolki z adnaho boku, z druhoha — nichto nie žyvie. Pamier učastka — 34 sotki. Na im raście vialiki jabłynievy sad, raźbity aharod. Majucca haraž, chleŭ, sklep, letni domik i pabudova pad letniuju łaźniu. Za ŭsio heta prosiać 2 500 dalaraŭ.
Ciapier čytajuć
Biełarusy dzielacca, jak rehistrujuć svaich katoŭ. Voś jak adbyvajecca pracedura2
Biełarusy dzielacca, jak rehistrujuć svaich katoŭ. Voś jak adbyvajecca pracedura
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4747
Kamientary