Ryha pačynaje padrychtoŭku da hrandyjoznaha kancerta Maksa Karža. Płanujecca ŭdzieł bolš za 35 tysiač naviednikaŭ
2 vieraśnia na stadyjonie «Daŭhava» ź vialikim kancertam vystupić papularny biełaruski śpiavak Maks Korž. Heta stanie samym maštabnym kancertam śpievaka ŭ krainach Bałtyi. Kancert Maksa Karža tradycyjna naviedajuć hości z Ukrainy, Biełarusi, Polščy, Ispanii, Francyi, Vialikabrytanii i inšych krain, piša mixnews.lv.
Užo z nastupnaha tydnia ŭ Ryzie pačniecca mantaž sceny dla vialikaha kancerta artysta. Jak paviedamlałasia raniej, na stadyjon prybudzie bolš za 35 tysiač hledačoŭ.
Dziela taho, kab kožnamu hościu kancertu było ŭsio dobra vidać i čuvać, spatrebiłasia našmat bolš aparatury.
Z roznych jeŭrapiejskich krain budzie sabrana i pryvieziena niekalki ton hukavoha abstalavańnia, a taksama mnostva śvietłavoj techniki, tak jak akcent budzie mienavita na śvietłavym šou z salutam i šmatlikimi fiejervierkami.
— Heta budzie sapraŭdnaje šou. U hety momant my ŭsimi siłami źbirajem piratechniku, aśviatleńnie i huk z mnostva krain Jeŭropy, kab uvasobić toje, što zadumała kamanda Maksa Karža, — raspaviadaje pradstaŭnik techničnaha adździeła kancerta. — Dla takoj vialikaj placoŭki patrebna vialikaja kolkaść fiejervierkaŭ, piratechniki, dymavych ustanovak i mnostva roznych techničnych składnikaŭ, jakija adčuje kožny hość kancerta va ŭsich zonach.
Na kancercie ŭ Ryzie muzyka vykanaje najlepšyja pieśni i novyja.
Usie raniej nabytyja kvitki sapraŭdnyja na novuju datu (pieršapačatkova mierkavałasia, što kancert projdzie 29 lipienia, ale jon byŭ pieraniesieny ź mierkavańniaŭ biaśpieki).
Kvitki na vialiki kancert Maksa Karža dastupnyja na aficyjnaj staroncy mierapryjemstva www.korzhriga.lv. Cana kvitka ad 30 da 49 jeŭra.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary