Učora stała viadoma pra zatrymańnie pastara carkvy «Novaje žyćcio» i jahonaha ziacia Ilji Budaja. Siońnia nad abodvuma mužčynami prajšoŭ sud.
Jak piša «Chryścijanskaja vizija», Hančarenku prysudzili 10 sutak za nibyta niepadparadkavańnie, a Budaju — 5 sutak za drobnaje chulihanstva: nibyta jon łajaŭsia i razmachvaŭ rukami.
Carkva «Novaje žyćcio» — heta relihijnaja hramada chryścijan poŭnaha Jevanhiella, kiraŭnictva jakoj i vierniki zdaŭna padviarhajucca pieraśledu z boku ŭład. U asnoŭnym zmahańnie išło za budynak carkvy na vulicy Kavalova, 72 u Minsku, jaki byŭ pieraabstalavany viernikami z byłoha karoŭnika. U lutym 2021 hoda carkvu vysielili z budynka, a niadaŭna jaho pačali raźbirać. Malitoŭnyja schody pravodzili pobač na parkoŭcy.
Sam ža pastar Viačasłaŭ Hančarenka paśla vybaraŭ 2020 hoda asudziŭ hvałt siłavikoŭ na biełaruskich vulicach i zaklikaŭ ułady pakajacca. U vieraśni 2022 hoda jaho ŭžo zatrymlivali i štrafavali na 100 bazavych vieličyń.
Dniami carkva atrymała paviedamleńnie, što jaje infarmacyjnuju pradukcyju źbirajucca pryznać «ekstremisckimi materyjałami».
Kamientary