Pytańnie pra płot na miažy ź Biełaruśsiu vyniesuć na refierendum u Polščy
U Polščy płanujecca pravieści refierendum adnačasova z parłamienckimi vybarami 15 kastryčnika. Ź inicyjatyvaj plebiscytu raniej vystupiŭ lidar kiroŭnaj partyi «Zakon i Spraviadlivaść» Jarasłaŭ Kačyński.
Ciaham apošnich dzion palityki nazvali pytańni, jakija buduć vyniesienyja na refierendum. Adno ź ich tyčycca płota na miažy ź Biełaruśsiu, piša Reform.by.
Čaćviortaje pytańnie, prapanavanaje partyjaj, pradstaviŭ ministr abarony Maryjuš Błaščak siońnia ranicaj. Jano sfarmulavana nastupnym čynam:
«Ci padtrymlivajecie likvidacyju płota na miažy Respubliki Polšča i Respubliki Biełaruś?».
Treba adznačyć, što Siejm Polščy pakul jašče nie zaćvierdziŭ rašeńnia ab praviadzieńni refierendumu. Čakajecca, što jano budzie razhladacca na pasiedžańni 16-17 žniŭnia.
Usiaho na plebiscyt miarkujecca vynieści čatyry pytańni. Pieršaje pytańnie było pradstaŭlena samim Kačyńskim. Jano tyčycca padtrymki prodažu dziaržaŭnych pradpryjemstvaŭ.
Druhoje pytańnie prezientavała byłaja premjer-ministarka krainy Bieata Šydła. Jano tyčycca pavyšeńnia piensijnaha ŭzrostu.
Treciaje pytańnie abviaściŭ ciapierašni premjer-ministr Matevuš Maraviecki. Jano tyčycca pryniaćcia abo niepryniaćcia raźmierkavańnia mihrantaŭ u ES u ramkach miechanizmu, niadaŭna prapanavanaha Jeŭrakamisijaj.
Pieršapačatkova Jarasłaŭ Kačyński, abviaščajučy pra ideju refierendumu, kazaŭ, što jon budzie pryśviečany mihracyjnamu pytańniu.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary