Mieteorny doždž Piersieidy naziraŭsia ŭ Biełarusi i inšych krainach Paŭnočnoha paŭšarja.
Heta źjava pryvodzić da źjaŭleńnia da 100 mieteoraŭ na hadzinu, pakolki Ziamla sutykajecca z abłomkami, jakija zastalisia paśla kamiety 109P/Śvifta-Tatła, piša Bi-bi-si.
Kali abłomki kamiety traplajuć u atmaśfieru Ziamli, jany zharajuć, što pryvodzić da jarkich vybliskaŭ, jakija prymajuć za źnički.
Pryrodnuju źjavu možna nazirać u lipieni i žniŭni kožnaha hoda, i ŭ hetym hodzie pik pryjšoŭsia na pieryjad pamiž subotnim viečaram 12 žniŭnia i rańnimi hadzinami niadzieli 13 žniŭnia.
Mieteory, jakija mohuć być pamieram ź piasčynku abo z harošynu, urazajucca ŭ atmaśfieru Ziamli z chutkaściu 215 000 km/h. Pałajučyja abłomki nie ŭjaŭlajuć nijakaj niebiaśpieki dla nas na Ziamli.
Heta ličycca adnoj z najlepšych astranamičnych padziej. Mieteorny patok nazyvajecca Piersieidy, bo mieteory źjaŭlajucca kala suzorja Piersieja, nazvanaha ŭ honar piersanaža hrečaskaj mifałohii.
Kamientary