Hienprakuratura admoviłasia adkazać, kolki biełarusaŭ źviarnulisia ŭ kamisiju pa viartańni
Hienprakuratura Biełarusi admoviłasia raskryć aktualnyja źviestki ab vynikach pracy kamisii pa viartańni biełarusaŭ, jakija źjechali z krainy, paviedamiła rasijskaje vydańnie RBK.
Heta vynikaje z adkazu biełaruskaj Hienprakuratury na zapyt RBK ab tym, kolki zvarotaŭ pastupiła ŭ kamisiju paśla jaje zjaŭleńnia, kolki čałaviek užo viarnulisia ŭ ramkach takoha miechanizmu i mohuć viarnucca, nie bajučysia pieraśledu, a taksama kolki kryminalnych spraŭ było spyniena ŭ hetym kantekście.
«Zapytanaja vami infarmacyja adnosicca da katehoryi, raspaŭsiudžvańnie jakoj u srodkach masavaj infarmacyi, na internet-resursach abmiežavana. Uličvajučy padadzienaje vyšej, nakiravać u vaš adras zapytanyja źviestki nie ŭjaŭlajecca mahčymym», — havorycca ŭ adkazie kiraŭnika ŭpraŭleńnia Hienprakuratury Biełarusi pa pracy sa ŚMI Anžaliki Kurčak.
Čynoŭnica taksama adznačyła, što «ahulnadastupnaja infarmacyja ab dziejnaści kamisii rehularna publikujecca na aficyjnych internet-resursach» viedamstva.
28 krasavika Hienprakuratura paviedamiła ab pieršym pasiadžeńni kamisii pa razhladzie zvarotaŭ biełarusaŭ, jakija znachodziacca za miažoj, u pytańniach učynieńnia imi pravaparušeńniaŭ. U viedamstvie zajavili, što ŭ kamisiju pastupiła bolš za 60 zvarotaŭ ad tych, chto, ratujučysia ad represij, musiŭ pakinuć Biełaruś.
17 lipienia «Kibierpartyzany» raskazali, što, pavodle ich danych, za piać miesiacaŭ pracy kamisii ŭ jaje źviarnulisia ŭsiaho 16 čałaviek. Ź ich uchvalili tolki dźvie zajaŭki — maci Ramana Pratasieviča Natalli i Filipa Davydava, jakija paśla viartańnia na radzimu dali intervju prapahandystam.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary