Udzielniki sustrečy ŭ Saudaŭskaj Aravii, u tym liku Kitaj, uzhadnili pryncypy
Kitaj i Saudaŭskaja Aravija razam zdolnyja prymusić Rasiju spynić vajnu, bo Maskva zaležyć ad pastavak enierhanośbitaŭ u Kitaj i abstalavańnia z Kitaja, a Saudaŭskaja Aravija kantraluje ŭzrovień cenaŭ na naftu.
Udzielniki sustrečy ŭ Džydzie (Saudaŭskaja Aravija) pa ŭrehulavańni kanfliktu va Ukrainie dasiahnuli damoŭlenaści «ab pavazie cełasnaści ŭkrainskaj terytoryi», piša italjanskaja hazieta Corriere della Sera sa spasyłkaj na ŭłasnyja krynicy ŭ Jeŭrasajuzie.
Pavodle słoŭ surazmoŭcaŭ, pradstaŭniki 42 dziaržaŭ pryjšli da razumieńnia, što «pavaha terytaryjalnaj cełasnaści i suvierenitetu Ukrainy pavinna być u centry luboha mirnaha pahadnieńnia, jak i viaršenstva Statuta AAN».
Pryniata rašeńnie ab farmavańni pracoŭnych hrup u klučavych pytańniach prapanavanaj ukrainskim prezidentam Uładzimiram Zialenskim «formuły miru».
«Terminy sustrečy kiraŭnikoŭ dziaržaŭ jašče nie vyznačany, ale całkam imavierna, heta adbudziecca da kanca hoda», — dadali krynicy.
Na sustreču dla pošuku dypłamatyčnaha raźviazańnia kanfliktu va Ukrainie sabralisia vysokija pradstaŭniki čatyroch dziasiatkaŭ dziaržaŭ, u tym liku Indyi i Brazilii. ZŠA reprezientuje daradca prezidenta ŭ nacyjanalnaj biaśpiecy Džejk Salivan.
Praryvam staŭ pryjezd na sustreču śpiecyjalnaha pradstaŭnika Kitaja ŭ pytańniach kanfliktu va Ukrainie Li Chueja.
Rasija ŭ sustrečy ŭ Džydzie nie ŭdzielničaje.
Kitaj i Saudaŭskaja Aravija razam zdolnyja prymusić Rasiju spynić vajnu, bo Maskva zaležyć ad pastavak enierhanośbitaŭ u Kitaj i abstalavańnia z Kitaja, a Saudaŭskaja Aravija kantraluje ŭzrovień cenaŭ na naftu. Na pieršym etapie vajny dźvie hetyja krainy čakali, adnak pravał płanaŭ Maskvy i łukašenkaŭskaha režymu vyklikaŭ aściarožnyja źmieny pazicyj jak Padniabiesnaj, tak i Er-Ryjada.
Dyskusii praciahnucca ŭ niadzielu, 6 žniŭnia. Sustreča prachodzić za začynienymi dźviaryma.
Ciapier čytajuć
Za padpisku na kanały treš-błohiera Mełstroja ciapier buduć karać8
Za padpisku na kanały treš-błohiera Mełstroja ciapier buduć karać
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary