«Naša zadača — kab pad udar nie patrapili nievinavatyja i nie źviazanyja z režymam ludzi». Cichanoŭskaja prakamientavała rašeńni ab niebiaśpiečnych dla Litvy biełarusach
Demakratyčnyja siły Biełarusi znachodziacca ŭ kantakcie z uradam Litvy nakont pytańnia pryznańnia biełarusaŭ asobami, jakija ŭjaŭlajuć pahrozu dla jaje nacbiaśpieki, zajaviła Śviatłana Cichanoŭskaja, kamientujučy infarmacyju pra toje, što 910 biełarusaŭ pryznanyja litoŭskimi ŭładami asobami, jakija niasuć pahrozu nacyjanalnaj biaśpiecy.
«Ja razumieju, što dziejańni Litvy pradyktavanyja nacyjanalnymi intaresami i biaśpiekaj. Režym Łukašenki niasie pramuju pahrozu našym susiedziam, i my heta paŭtarali ad 2020 hoda. Nielha vyklučać, što režym moža metava zasyłać svaich ludziej u hetyja krainy.
Naša ž zadača — kab pad udar nie patrapili nievinavatyja i nie źviazanyja z režymam ludzi, i my znachodzimsia ŭ kantakcie z uładami Litvy nakont hetaha pytańnia.
Absalutnaja bolšaść biełarusaŭ nie padtrymlivajuć złačynnuju vajnu Rasii suprać Ukrainy i praciahvajuć dapamahać Ukrainie, mnohija zmahajucca z dyktaturaj u padpolli.
Vielmi važna, kab jany mahli ŭ vypadku pahrozy znajści biaśpiečny prytułak u Jeŭropie», — padkreśliła Cichanoŭskaja.
Čytajcie taksama:
Kiraŭniki MUS Litvy i Polščy abmierkavali mahčymuju izalacyju Biełarusi
Častka vahnieraŭcaŭ raźmiaściłasia niepadalok ad miažy ź Litvoj — Naŭsieda
«U łahiery nie chaciełasia ni spać, ni jeści». Byłoha biełaruskaha pamiežnika, jakoha ŭ Litvie pryznali niebiaśpiečnym, pieradali Polščy
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary