205 biełarusaŭ byli pazbaŭlenyja raniej dziejnych dazvołaŭ na časovaje pražyvańnie.
Z kanca listapada 2022 hoda litoŭskija słužby pryznali pahrozaj nacyjanalnaj biaśpiecy Litvy 910 hramadzian Biełarusi. Havorka idzie pra zapaŭnieńnie śpiecyjalnaj ankiety pry padačy dakumientaŭ na atrymańnie viz abo dazvołaŭ na žycharstva, paviedamlaje Departamient mihracyi Litvy.
Abaviazacielstva zapoŭnić ankietu raspaŭsiudžvajecca na ŭsich hramadzian Biełarusi i Rasi z 18-ci hadoŭ, kali jany padajuć chadajnictvy ab vydačy abo źmienie dakumienta, jaki daje abo paćviardžaje prava na pražyvańnie ŭ Litvie, afarmleńni novaha dazvołu na časovaje pražyvańnie abo vydačy nacyjanalnaj vizy.
U vyniku było ŭstanoŭlena, što pahrozu nacyjanalnaj biaśpiecy ŭjaŭlajuć 910 hramadzian Biełarusi, 337 ź jakich admovili ŭ vydačy dazvołu na časovaje pražyvańnie ŭ Litvie, 121 — admovili ŭ zamienie takoha dakumienta. 205 biełarusaŭ byli pazbaŭlenyja raniej dziejnych dazvołaŭ na časovaje pražyvańnie.
Dvum hramadzianam Biełarusi admovili ŭ vydačy dazvołaŭ na pastajannaje pražyvańnie ŭ Litvie, a čaćviarym takija dakumienty anulavali.
241 biełarus atrymaŭ admoŭnyja vodhuki, kali padaŭ zajavu ab vydačy nacyjanalnaj vizy ŭ Litvu.
Dla ŭsich vyšejpieraličanych 1164 zamiežnikaŭ taksama byli pryniaty pastanovy ab zabaronie ŭjezdu ŭ Litvu.
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary