Murmuracyja. La Hrodna tysiačy ptušak znoŭ zładzili niezvyčajny taniec VIDEA
Niezvyčajnuju źjavu zdoleŭ źniać čytač Newgrodno.by pad Hrodnam. Nad vioskaj Vialikaja Žornaŭka vielizarnaja kolkaść ptušak zładziła ŭ palocie niezvyčajny taniec. Tysiačy ptušak, ruchajučysia sinchronna i skaardynavana, stvarali ŭ niebie samyja nievierahodnyja hieamietryčnyja fihury, to źbivajučysia ŭ ščylnaje vobłaka, to na imhnieńnie raźlatajučysia ŭ roznyja baki. Pryčym rabili jany heta na vielizarnaj chutkaści.
Zdajecca, što sočyš za kampjutarnaj hrafikaj, ale nie, usio heta adbyvajecca nasamreč.
Darečy, navukoŭcy navat dali nazvu takoj źjavie. Heta murmuracyja. Čaściej za ŭsio takija tancy vykonvajuć vielizarnyja čarody špakoŭ, krumkačoŭ abo hałak. U palocie jany razhaniajucca da 40 km/h, adnak nie sutykajucca, bo kožnaja ptuška vyrazna kantraluje ŭsio, što adbyvajecca vakoł jaje.
Dla čaho ptuškam murmuracyja? Vyraznaha adkazu niama dahetul. Zrešty, navukoŭcy ličać, što takim čynam ptuški sprabujuć atrymać maksimum infarmacyi ab svaim asiarodździ. Taksama jość viersii, što takim čynam daśviedčanyja vučać maładych latać. Jašče adna zdahadka źviazanaja z tym, što čarody takimi ruchami sprabujuć siabie zaścierahčy.
Kancert Maksa Karža pačaŭsia z zatrymkaj na dźvie hadziny. «Biełaruś top!» — kryčać i jon, i fanaty9
Kamientary