«Jany zajazdžajuć na terytoryju Biełarusi biez zbroi».
Pavodle infarmacyi śpikiera Hałoŭnaha ŭpraŭleńnia raźviedki Ministerstva abarony Ukrainy Paŭła Jusava, pa stanie na 17 lipienia ŭ Biełarusi znachodzicca ad 500 da 700 najmitaŭ PVK «Vahnier». Słovy śpikiera pryvodzić vydańnie «RBK-Ukraina».
Jusaŭ adznačaje, što vahnieraŭcy zajazdžajuć u Biełaruś biez zbroi, aproč navučańnia biełaruskich vajskoŭcaŭ, jany taksama buduć zajmacca destabilizacyjaj abstanoŭki na miažy ź Jeŭrasajuzam.
«Častka vahnieraŭcaŭ budzie treniravać biełaruskich siłavikoŭ i vajskoŭcaŭ, a astatnija buduć «niervavać» Polšču i inšyja krainy ES i NATA. Ukrainie pry hetym, niahledziačy na ich kolkaść i bajavy dośvied, jany pramoj pahrozy nie niasuć, bo pryjazdžajuć u Biełaruś razzbrojenymi», — zajaviŭ pradstaŭnik HUR Ukrainy Pavieł Jusaŭ.
Nahadajem, što, pavodle apošniaj infarmacyi, u biełaruskim łahiery pad Asipovičami ŭžo znachodzicca kala 100 adzinak vajskovaj techniki PVK «Vahnier».
Pieramiaščeńnie rasijskich najmitaŭ užo pryviało da rezkaha pavieličeńnia kolkaści polskich vajskoŭcaŭ i palicyjantaŭ na miažy ź Biełaruśsiu.
U Dziarždumie Rasii zajavili, što PVK «Vahnier» patrebnaja ŭ Biełarusi dla budučaha zachopu Suvałkskaha kalidora
«Vahnieraŭcy» mohuć źjavicca siarod mihrantaŭ, jakija šukajuć šlach u ES ź Biełarusi — prezident Litvy
Tramp patłumačyŭ, jak choča prymusić Zialenskaha i Pucina zaklučyć mirnaje pahadnieńnie
Kamientary