Užo zaŭtra Polšča pačnie značnaje pieramiaščeńnie svaich vojskaŭ da miažy ź Biełaruśsiu
Pra pieramiaščeńnie polskich vojskaŭ havorycca ŭ siońniašnim aficyjnym zvarocie niekalkich polskich miechanizavanych bryhad. Robicca heta dla supraćdziejańnia pahrozam ź Biełarusi, u tym liku jadziernym.
Pavodle aficyjnaj infarmacyi 12-j polskaj miechanizavanaj armiejskaj bryhady, jana razam z 17-j miechanizavanaj bryhadaj u najbližejšy čas pačnie nakiroŭvać značnyja siły da miažy ź Biełaruśsiu.
Havorka idzie pra adpraŭku adnoj tysiačy sałdat i amal 200 adzinak vajskovaj techniki, jakija dapoŭniać na biełaruskim napramku 2000 sałdat, 5000 pamiežnikaŭ i 500 palicyjantaŭ, jakija ŭžo znachodziacca tam.
Praces adpraŭki dadatkovych vajskoŭcaŭ pačniecca 8 lipienia.
«U ramkach apieracyi «Biaśpiečnaje Padlašša» zaŭtra my razam z 17-j miechanizavanaj bryhadaj pačniom značnaje pieramiaščeńnie sałdat i techniki da miažy ź Biełaruśsiu. Prosim kiroŭcaŭ u centralnaj, paŭnočnaj i ŭschodnich častkach Polščy zahadzia pradumvać svoj maršrut z ulikam prajezdu vialikich vajskovych kałon», — zajavili ŭ 12-aj polskaj miechanizavanaj bryhadzie.
Asnoŭnaj metaj hetych manieŭraŭ, pa słovach vajskoŭcaŭ, źjaŭlajecca «demanstracyja polskaj voli» na fonie budučaha samitu NATA ŭ Litvie i roznych pahroz, jakija zychodziać z terytoryi Biełarusi.
Nahadajem, što niadaŭna ŭ adkaz na raźmiaščeńnie rasijskaj jadziernaj zbroi ŭ Biełarusi Polšča aficyjna źviarnułasia da ZŠA z prośbaj raźmiaścić u siabie amierykanskuju jadziernuju zbroju ŭ ramkach śpiecyjalnaj prahramy NATA.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary