Kab matyvavać kramy aktyŭniej pradavać ajčynnyja tavary, biełaruskija ŭłady ŭviali stymulujučyja vypłaty. Adpaviednuju pastanovu Ministerstva antymanapolnaha rehulavańnia i handlu pryniali jašče ŭ červieni. Siońnia jana była apublikavanaja na Nacyjanalnym pravavym internet-partale (i ŭstupaje ŭ siłu ad siońnia).
Zhodna z pastanovaj, stymulujučyja vypłaty mohuć być dadzienyja pradaŭcu, naprykład, u vypadkach zakupki ŭ vytvorcy pradukcyi peŭnaha abjomu, a taksama ŭ vypadku pavieličeńnia abjomu zakupki takich tavaraŭ; u vypadku realizacyi tavaraŭ na ŭmovach pastaŭščyka z praviadzieńniem rasprodažaŭ; kali pradaviec dastaŭlaje tavary ad pastaŭščyka da kramy ci składa za svoj rachunak; kali pradaviec za svoj rachunak ramantuje ci pravodzić techničnaje absłuhoŭvańnie niespažyvieckich tavaraŭ. Vypłaty hetyja robić pastaŭščyk.
Havorka idzie pra pastaŭku na ŭnutrany rynak tavaraŭ, vyrablenych u Biełarusi, a taksama impartavanych niecharčovych tavaraŭ. Vieličynia ŭznaharody budzie zaležyć ad koštu zakuplenaj pradukcyi (pry hetym pry raźliku vypłat nie ŭličvajecca padatak na dabaŭlenuju vartaść).
Atrymać stymulujučyja vypłaty abjekt handlu zmoža tolki ŭ tym vypadku, kali nie maje pierad pastaŭščykom niepahašanaj praterminavanaj zapazyčanaści za nabytyja raniej tavary. I jašče adzin važny momant: hetyja vypłaty nie raspaŭsiudžvajucca na sacyjalna vialikuju hrupu charčovych tavaraŭ (naprykład, miasa i subpradukty ź jaho, małočnyja pradukty, jajki, krupy, muku, chlebabułačnyja vyraby, cukierki, marmieład, asobnyja vidy harodniny i inšaje — usiaho ŭ śpisie 71 pazicyja).
Raniej urad Biełarusi padkreślivaŭ, što adna z klučavych zadač dziaržavy na spažyvieckim rynku — maksimalnaja padtrymka biełaruskich vytvorcaŭ.
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary