Nieabchodnyja hrošy na dapamohu siamji Alesia Puškina sabrali za niekalki hadzin
Biełaruskaja Rada kultury zładziła zbor pamiaci Alesia Puškina, kab padtrymać siamju mastaka, kab nie pakinuć ich sam-nasam z horam i finansavaj nieŭładkavanaściu.
Inicyjatyva taksama choča paspryjać pracy z tvorčymi napracoŭkami mastaka: varta sabrać, uparadkavać i katałahizavać jaho spadčynu, materyjały, publikacyi.
Admietna, što nieabchodnuju sumu ŭ 2500 jeŭra sabrali za niekalki hadzin. Ciapier pa stanie na 13:30 sabrali 3261 jeŭra. Ale zbor praciahvajecca, dadatkovyja hrošy nie buduć lišnimi.
Jak padtrymać
***
Aleś Puškin pamior 11 lipienia na 58-m hodzie žyćcia ŭ reanimacyi hrodzienskaj balnicy.
Jak stała viadoma, u jaho była prabadnaja jazva, jamu svoječasova nie dapamahli ŭ turmie.
Puškina zatrymali 30 sakavika 2021 hoda i praz hod asudzili na piać hadoŭ kałonii pa abvinavačvańni ŭ ździeku ź dziaržaŭnych simvałaŭ (artykuł 370 KK) i raspalvańni varožaści (častka 3 artykuła 130 KK). Spačatku pakarańnie adbyvaŭ u ivacevickaj kałonii, a potym byŭ pieraviedzieny na turemny režym u Hrodnie.
U jaho zastalisia čaćviora dziaciej.
Siońnia jaho chavajuć u Babry.
Kamientary