Piać miesiacaŭ pra asudžanaha na 14 hadoŭ palityka ničoha nie viadoma.
«150 dzion nieviadomaści… Piać miesiacaŭ siońnia…» — napisała ŭ fejsbuku žonka palityka Maryna Adamovič.
Pra palityka ničoha nie čuvać z 9 lutaha, kali ź im pierarvałasia listavańnie.
Viadoma tolki, što Statkievič paŭhoda byŭ u adzinočnaj kamiery, a potym, imavierna, trapiŭ u ŠIZA.
«Siońnia (dopis ad 15 maja. — «NN») atrymała adkaz z kałonii na svaje zapyty. … Toj, chto ničoha nie viedaje pra svaich rodnych, mianie zrazumieje. 36 spahnańniaŭ, ź ich 14 — ŠIZA (5 — za apošnija try miesiacy, termin nie paviedamlajuć). Ciapier, imavierna, u ŠIZA taksama albo tolki vyjšaŭ. […] kali nie ŭ ŠIZA, to ceły dzień u kamiennym miašku z prahułkaj u takim ža kamiennym miašku paŭhadziny na dzień. Pazbavili ŭsiaho: adzinaj pasyłki i spatkańniaŭ. Pra telefanavańni havorka navat nie idzie. Listoŭ pa-raniejšamu niama», — pisała ŭ siaredzinie maja jaho žonka Maryna Adamovič.
Mikołu Statkieviča zatrymali 31 maja 2020 hoda, kali jon u mašynie jechaŭ na Kamaroŭku na pieradvybarčy pikiet Śviatłany Cichanoŭskaj.
U śniežni 2021 hoda jaho asudzili na 14 hadoŭ kałonii za arhanizacyju masavych biesparadkaŭ. Mirnyja pratesty pačalisia praz dva miesiacy, 9 žniŭnia 2020 hoda.
12 žniŭnia 2023 hoda palityku spoŭnicca 67 hadoŭ.
Na žal, situacyja sa Statkievičam nie ŭnikalnaja.
Niama viestak ad lutaha ad Maksima Znaka.
Z 10 sakavika da 5 lipienia nie było źviestak pra Siarhieja Cichanoŭskaha, pryčym tolki paśla taho, jak źjaviłasia infarmacyja pra jahonuju śmierć praŭładnyja telehram-kanały apublikavali videa ź im, zroblenaje, jak śćviardžajecca, 5 lipienia.
Z 25 krasavika niama infarmacyi pra Viktara Babaryku, niama infarmacyi pra Paŭła Sieviarynca, niama infarmacyi pra niekatorych inšych palitviaźniaŭ.
-
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
-
Ukrainski palitołah: Drony mohuć niečakana prylacieć i ŭ minski aeraport, i na naftapierapracoŭčyja zavody
-
Cichanoŭskaja pra Babaryku i Kaleśnikavu: Nie baču prablemy, kali jany buduć raźvivać svaju partyju
Ciapier čytajuć
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary