23 červienia źniavolenaha apazicyjnaha palityka i litaratara asudzili da źmieny režymu ŭtrymańnia pa inicyjatyvie škłoŭskaj kałonii №17, dzie palitviazień adbyvaŭ pakarańnie. Paŭła Sieviarynca vyrašyli pieravieści ŭ turmu na try hady. Pavodle zakanadaŭstva, administracyja PK №17 pavinna była ciaham 10 dzion apaviaścić svajakoŭ pra novaje miesca adbyćcia pakarańnia ichniaha rodziča. Adnak nijakich źviestak pra heta niama ni z kałonii, ni ad samoha Paŭła.
U fejsbuku Taćciana Sieviaryniec, maci palitźniavolenaha, miarkuje, što jašče da etapu ŭ turmu jaho źmiaścili ŭ štrafny izalatar. «Sudziačy pa ŭsim, da etapu jaho pasadzili ŭ ŠIZA. Katam mała, što čałaviek na PKT, treba jašče i ŠIZA, dzie ni pisać, ni čytać nielha», — napisała jana.
U PKT (pamiaškańnie kamiernaha typu) Pavieł Sieviaryniec trapiŭ u jakaści čarhovaha spahnańnia: sioleta ŭ krasaviku administracyja PK-17 pastaviła palitźniavolenaha na ŭlik jak złosnaha parušalnika režymu. Jamu skaracili dazvolenuju kolkaść zvankoŭ dadomu i hrašovych pieravodaŭ, a paźniej pazbavili i praciahłaha spatkańnia. Jašče praź niekalki miesiacaŭ kiraŭnictva kałonii źviarnułasia ŭ sud, kab pieravieści Sieviarynca na bolš žorstki režym utrymańnia.
Škłoŭski rajonny sud padtrymaŭ zajaŭnikaŭ: najbližejšyja try hady Pavieł Sieviaryniec musić pravieści za turemnymi kratami, ale zastajecca nieviadomym, dzie jon ciapier.
Paŭła Sieviarynca zatrymali 7 červienia 2020 hoda kala doma, kali jon viartaŭsia ź pieradvybarčaha pikieta Śviatłany Cichanoŭskaj na minskaj Kamaroŭcy. Z taho času jon za kratami.
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska4
Kamientary
Rasiei nie budzie uvohule. Hrošaj dla darahoj milicyi treba budzie brať sa svajej kišieni tav. Ł