Pra viartańnie kamandziraŭ «Azova» Dzianisa Prakapienki, Śviatasłava Pałamara, Siarhieja Vałynskaha, Aleha Chamienki i Dzianisa Šlehi paviedamiŭ prezident Ukrainy Uładzimir Zialenski, apublikavaŭšy adpaviednaje videa.
Zialenski asabista sustrakaŭ vajskoŭcaŭ, jakija za svoj uparty supraciŭ pry abaronie Maryupala va Ukrainie ŭsprymajucca jak nacyjanalnyja hieroi, u aeraporcie Stambuła. Jon akurat znachodziŭsia ź vizitam u Turcyi.
«Viartajem dadomu našych hierojaŭ. Ukrainskija vajary Dzianis Prakapienka, Śviatasłaŭ Pałamar, Siarhiej Vałynski, Aleh Chamienka, Dzianis Šleha narešcie buduć z rodnymi», — napisaŭ jon u telehramie.
Uziatyja rasijanami ŭ pałon piaciora kamandziraŭ pałka «Azoŭ» byli abmienienyja ŭ vieraśni 2022 hoda na ŭkrainskaha prarasijskaha palityka, kuma prezidenta Rasii Uładzimira Pucina Viktara Miedźviedčuka. Paviedamlałasia, što abmien adbyŭsia pa inicyjatyvie rasijskaha boku, a sami pieramovy prachodzili ŭ Ankary, pad kiraŭnictvam Nacyjanalnaj raźviedvalnaj arhanizacyi Turcyi.
Adnačasova ź piaćciu kamandzirami «Azova» byli taksama pieradadzienyja Ukrainie 200 inšych vajennapałonnych, a taksama 10 pałonnych inšaziemcaŭ, niekatorym ź jakich da taho času sudy niepryznanaj «DNR» paśpieli ŭžo navat vynieści śmiarotnyja pakarańni. Rasijskich ža vajennapałonnych pad toj abmien patrapiła ŭsiaho 55.
Paśla hetaha kamandziry «Azova» nibyta pavinny byli zastacca ŭ Turcyi da kanca vajny. Ale ciapier na sajcie prezidenta Ukrainy źjaviłasia paviedamleńnie, što viartańnie kamandziraŭ «Azova» va Ukrainu adbyłosia «pa vynikach pieramovaŭ z tureckim bokam».
Čytajcie taksama:
Jak nasamreč mianiali Miedźviedčuka i kamandziraŭ «Azova». Nieviadomyja padrabiaznaści
Washington Post: Pucin asabista adchiliŭ piarečańni FSB i zahadaŭ abmianiać azoŭcaŭ na Miedźviedčuka
«Abmianiali nacystaŭ na kuma», «nasrali na hałavu». U rasijskich pablikach hnieŭ i razhublenaść
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary
Hałoŭnaje, što Redzis viartajecca ⚔️