Palitźniavolenuju Viktoryju Kulšu pieraviali ŭ Zarečča. Jaje dvojčy asudzili za niepadparadkavańnie administracyi kałonii
Viktoryju dvojčy za hod asudzili pavodle č. 1 art. 411 KK (złosnaje niepadparadkavańnie zakonnym patrabavańniam administracyi kałonii). Apošni raz sud pryznačyŭ žančynie jašče adzin hod źniavoleńnia ŭ dadatak da troch z pałovaj hadoŭ kałonii.
Za paŭhoda ŭ zarečanskaj kałonii Viktoryja adbyła minimum 92 dni ŭ ŠIZA i taksama była ŭ PKT. Niadaŭna pravaabaroncam stała viadoma, što adzin z nahladčykaŭ dušyŭ Viktoryju łokciem, stojačy zzadu, a taksama ciahaŭ jaje pa kamiery. Akramia taho, žančyna niekalki razoŭ u kałonii trymała haładoŭku na znak pratestu suprać žudasnych umoŭ. Praz heta ŭ jaje dvojčy zdaraŭsia sardečny prystup.
Stała viadoma, što 22 červienia žančynu etapavali ŭ žanočuju kałoniju №24, piša «Viasna».
Adras dla padtrymki: PK №24, 247526, vuł. Vytvorčaja, 44, h. p. Zarečča, Rečycki rajon, Homielskaja vobłaść, Viktoryja Alaksandraŭna Kulša.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary