Častka «Bajpoła» biez Azarava stała «Biełpołam». Što jašče mianiajecca ŭ abjadnańni byłych siłavikoŭ?
«Bajpoł» paviedamiŭ ab adnaŭleńni pracy ŭ telehram-kanale arhanizacyi. I voś u jakim farmacie.
Pra kanflikt u abjadnańni byłych siłavikoŭ stała viadoma na pačatku červienia z pryznańnia Azarava, što im stračany kantrol nad sietkami arhanizacyi.
U dalejšym Abjadnany pierachodny kabiniet abviaściŭ, što «Bajpołaŭ» stanie dva i ŭ kožnaha budzie svoj abšar adkaznaści.
Kantrol nad telehram-kanałam zastaŭsia ŭ bajpołaŭcaŭ, nie zhodnych z kiraŭnictvam Alaksandra Azarava. Ich lidaram staŭ — Maćviej Kuprejčyk. Heta hrupa miełasia adździalicca ad fondu «Bajpoł», jaki ŭznačalvaje Azaraŭ.
Apanienty Azarava i apublikavali paviedamleńnie pra adnaŭleńnie pracy arhanizacyi.
U joj jany prynieśli vybačeńni hramadzianam Biełarusi za dapuščanyja pamyłki i zapeŭnili, što «kryzisnaja situacyja była detalna vyvučanaja», pryniatyja zachady, kab padobnaha nie paŭtarałasia.
«Dziakujučy praviedzienaj pracy my nie tolki źbierahli samaje kaštoŭnaje — ludziej sa svaimi viedami, navykami, umieńniami i dośviedam, — ale i ŭzmacnili kamandu», — zajaŭlaje častka kamandy, jakaja razam z Maćviejem Kuprejčykam.
Jany pierajmienavalisia ŭ «Biełpoł».
«U vyniku schodu ŭsich supracoŭnikaŭ arhanizacyi byli zaćvierdžanyja:
— novaja nazva i novy łahatyp arhanizacyi — BELPOL;
— napramki dziejnaści i ahulnaja stratehija arhanizacyi;
— prajekt statuta arhanizacyi;
— udaskanaleny sistemy administracyjnaj biaśpieki;
— novyja padychody ŭ rabocie ź miedyja;
— paradak finansavaj spravazdačnaści.
Što tyčycca vyklučanych z Abjadnańnia siłavikoŭ Biełarusi A. Azarava i S. Łupanosava, paviedamlajem, što my spyniajem luboje supracoŭnictva z nazvanymi asobami i Fondam BYPOL.
Taksama rastłumačym, što pierajmienavańnie arhanizacyi — heta miera vyklučna techničnaja. Poŭnym pravaŭładalnikam absalutna ŭsich mahčymaściaŭ i instrumientaŭ jak techničnych, tak i intelektualnych jość ASB BELPOL. Jurydyčnaja nazva BYPOL i płan «Pieramoha» zastajecca za fondam A. Azarava», — napisali biełpołaŭcy.
U kamandu viartajecca taksama Andrej Astapovič.
Alaksandr Azaraŭ u kamientary «Našaj Nivie» nastojvaje: toje, što adbyłosia ŭ arhanizacyi, «nie raskoł».
«Z arhanizacyi byli zvolnienyja supracoŭniki i ŭsio», — kaža Alaksandr Azaraŭ.
«My nie płanujem ničoha mianiać, budziem zajmacca, čym i zajmalisia raniej, — padsumoŭvaje jon. — A pra ich ničoha nie viedaju».
«Bajpoł» byŭ stvorany byłymi siłavikami ŭ 2020 hodzie.
«Naša Niva» — bastyjon biełaruščyny
PADTRYMAĆHladzicie taksama:
Chranałohija kanfliktu ŭ «Bajpole» — što za čym adbyłosia
Novy vitok kanfliktu ŭ «Bajpole»: zajavili, što Azaraŭ tam nichto i jaho vyklučyli
U kaho ciapier danyja biełarusaŭ, što pisali ŭ čat-bot płana «Pieramoha»?
BYPOL zaprasiŭ pradstaŭnikoŭ Kaardynacyjnaj rady ŭvajści ŭ kamisiju dla finansavaha aŭdytu arhanizacyi
-
Siońnia — apošni zvanok. Minpryrody prosić školnikaŭ nie zapuskać u nieba pavietranyja šaryki
-
«Mahčyma, jana źbiehła ad kachanka ci jon jaje zabiŭ, ci jana ŭ Biełarusi». Aŭtar rasśledavańnia pra Anžaliku Mielnikavu
-
U kobrynskaj balnicy patłumačyli, čamu ŭ joj niemetazhodna mieć svoj aparat MRT. Žychary nie zhodnyja
Ciapier čytajuć
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia24
Kamientary