«Rasatam» pakidaje Zaparožskuju AES, piersanału dali instrukcyi va ŭsim vinavacić Ukrainu — HUR Ukrainy
Troje supracoŭnikaŭ «Rasatama», jakija kiravali dziejańniami rasijskich zachopnikaŭ, byli adnymi ź pieršych, chto pahadziŭsia pakinuć stancyju.
Da 5 lipienia rabotniki «Rasatama» i ich pamahatyja siarod ukraincaŭ, jakija padpisali kantrakty, pavinny pakinuć Zaparožskuju atamnuju elektrastancyju. Pra heta paviedamlaje Hałoŭnaje ŭpraŭleńnie raźviedki Ministerstva abarony Ukrainy, jak piša UNIAN.
Adznačajecca, što akupacyjny kantynhient pastupova pakidaje terytoryju Zaparožskaj atamnaj elektrastancyi, i adnymi ź pieršych sa stancyi źjechali troje supracoŭnikaŭ «Rasatama», jakija kiravali dziejańniami rasijan.
«Taksama rekamiendacyi evakujavacca atrymali ŭkrainskija supracoŭniki, jakija padpisali kantrakt z «Rasatamam». Pavodle atrymanych ukazańniaŭ, jany pavinny adjechać da 5 lipienia. Pažadany kirunak — terytoryja akupavanaha Kryma», — paviedamlaje raźviedka.
U HUR adznačajuć, što na terytoryi samoj ZAES i ŭ horadzie — spadarožniku stancyi Enierhadary pastupova pamianšajecca kolkaść vajskovych patruloŭ.
«Piersanału, jaki zastajecca na stancyi, dali ŭkazańnie «ŭ vypadku lubych avaryjnych situacyj vinavacić Ukrainu», — skazana ŭ paviedamleńni.
Paśla terakta na Kachoŭskaj HES situacyja na ZAES stała jašče bolš napružanaj, tamu što reziervuar astudžeńnia pakul nie maje štatnaha padsiłkoŭvańnia vadoj.
Raniej načalnik HUR Kiryła Budanaŭ paviedamiŭ, što vorah kala 4 z 6 enierhabłokaŭ raźmiaściŭ mašyny z vybuchoŭkaj. Jon nie vyklučyŭ, što rasijskaje kiraŭnictva moža dać zahad ab padryvie ZAES.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra17
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary