Kamitet dziaržaŭnaj biaśpieki abnaviŭ śpis «asob, jakija majuć dačynieńnie da terarystyčnaj dziejnaści» — tam źjavilisia proźviščy jašče piaci čałaviek.
Siarod ich byłaja buchhałtarka Hanna Karniajenka, Pavieł Sałahub, supracoŭnik Ministerstva adukacyi Siarhiej Navumčyk, minčuk Maksim Sielaźnioŭ, žurnalist «Kamsamolskaj praŭdy ŭ Biełarusi» Hienadź Mažejka.
Ciapier u «terarystyčnym śpisie» 1073 čałavieki, ź ich 322 — biełarusy (adznačym, što ŭ śpisie KDB 1080 pazicyj, adnak siem čałaviek ź jaho byli vydalenyja raniej), paviedamlajuć pravaabaroncy.
Žurnalista Hienadzia Mažejku, aŭtara artykuła pra Andreja Zielcera, zatrymali ŭ pačatku kastryčnika 2021 hoda. Jamu stavili ŭ vinu dva artykuły Kryminalnaha kodeksa: «Raspalvańnie sacyjalnaj varožaści» (art. 130) i «Abraza Łukašenki» (art. 368). Viadoma, što spravu ab abrazie vyłučyli ŭ asobnuju vytvorčaść.
23 sakavika 2023 hoda sudździa Taćciana Falkoŭskaja pryznačyła žurnalistu try hady źniavoleńnia. Viarchoŭny sud 16 červienia razhladzieŭ apielacyjnuju skarhu palitviaźnia. Sudździa Uładzimir Čaravač pakinuŭ skarhu biez zadavalnieńnia, a prysud — bieź źmien.
«Pisaŭ u internecie niehatyŭnyja, nieprystojnyja i niedapuščalnyja vykazvańni ŭ adras Łukašenki» — u čym abvinavačvajuć žurnalista Mažejku
Žurnalista Hienadzia Mažejku asudzili da 3 hadoŭ pazbaŭleńnia voli. Materyjały ab abrazie Łukašenki vyłučyli ŭ asobnuju spravu
«My siadzieli pobač i nijakich zajaŭ nie rabili». Žurnalist pra absurdnyja abvinavačańni ŭ adras Hienadzia Mažejki
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii19
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary