Jaŭhien Pryhožyn zastajecca pad śledstvam pa spravie ab miaciažy — miedyja
Jak stała viadoma «Kommiersantu», na ranicu 26 červienia kryminalnaja sprava ab arhanizacyi ŭzbrojenaha buntu (art. 279 KK RF), hałoŭnym fihurantam jakoj staŭ zasnavalnik PVK «Vahnier» Jaŭhien Pryhožyn, nie spynienaja.
Jaje praciahvaje rasśledavać śledčaje ŭpraŭleńnie FSB Rasii.
Paźniej hetuju infarmacyju paćvierdzili krynicy RIA Novosti i TASS, blizkija da Hienprakuratury RF.
Zasnavalnik PVK «Vahnier» Jaŭhien Pryhožyn uviečary 23 červienia pačaŭ vajskovy pieravarot u Rasii, nazvaŭšy jaho «maršam spraviadlivaści».
Rankam 24 červienia najmity zachapili Rastoŭ-na-Donie i nakiravali kałonu ŭ napramku Maskvy.
Jaŭhien Pryhožyn patrabavaŭ vydać ministra abarony Siarhieja Šajhu i načalnika Hienštaba Valeryja Hierasimava, abvinavačvajučy ich u złačynnym kiravańni rasijskaj armijaj.
FSB zaviała suprać Pryhožyna kryminalnuju spravu ab vajskovym miaciažy. Uładzimir Pucin, a ŭśled za im i inšyja rasijskija aficyjnyja asoby nazvali toje, što adbyvajecca, zdradaj.
Uviečary 24 červienia pres-słužba Alaksandra Łukašenki abviaściła, što Pryhožyn padčas pieramoŭ ź im pahadziŭsia spynić najmitaŭ.
Uśled za hetym Pryhožyn paviedamiŭ, što najmity razhortvajuć svaje kałony i «adychodziać u zvarotnym kirunku ŭ palavyja łahiery zhodna z płanam».
U Kramli zajavili, što kryminalnuju spravu suprać Pryhožyna spyniać, a sam jon źjedzie ŭ Biełaruś.
Apošni raz Pryhožyna bačyli 24 červienia, kali jon na mašynie pakidaŭ Rastoŭ pad apładysmienty ludziej.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary