«Maralna supracoŭniki siłavych struktur nie hatovyja da vajny». Što rabili b biełaruskija siłaviki va ŭmovach antyterarystyčnaj apieracyi
Były supracoŭnik siłavoha aparatu raskazvaje pra dziejańni supracoŭnikaŭ milicejskich struktur, kali na krainu napali vorahi i zhadvaje, jak reahavali milicyjanty na tryvohi.
Padčas nadzvyčajnych situacyj supracoŭniki siłavych struktur pa tryvozie abaviazanyja z «tryvožnym čamadančykam» źjavicca na słužbu i atrymać zadańni pa achovie hramadskaha paradku, raskazvaje surazmoŭca.
Da kamandy «adboj» jany pavinny zastavacca ŭ miescach dysłakacyi, vyznačanych kiraŭnictvam.
«U nas zaŭždy na tryvohi ź nieachvotaju jechali. Ich abviaščali nočču zvyčajna. Aficery pryjazdžali sonnyja, niezadavolenyja, tolki z adnoj dumkaju adsiadziecca», — zhadvaje były siłavik.
U Minsku, abłasnych i rajonnych centrach musiać być stvoranyja štaby pa praduchileńni niebiaśpieki, a taksama apieratyŭnyja hrupy reahavańnia.
Užo ciapier pavinny być raspracavanyja admysłovyja «płany», naprykład, jak mnohim viadomy płan «Pierachvat». U vypadku fors-mažoru jaho nieskładana prystasavać da vajennaha stanovišča, kaža surazmoŭca.
«Tryvožnyja čamadančyki» pavinny być ukamplektavanyja nieabchodnym dla fors-mažornaj situacyi načyńniem: pravijantam, pieraviazačnym materyjałam, miedykamientami.
«Zvyčajna jany śmiechu vartyja i słužać dla taho, kab pakazać praviercy. Tam moža lažać paru brykiecikaŭ łokšyny chutkaha pryhatavańnia, jakim nie adzin hod. Da ich abnaŭleńnia stavilisia aby-jak», — zhadvaje były siłavik.
Pa słovach surazmoŭcy, nadzvyčajnyja situacyi praličvajucca, ale bolšaść siłavikoŭ nie hatovyja vykonvać zadačy va ŭmovach vajennaha stanovišča.
Były siłavik sumniavajecca ŭ bojehatoŭnaści byłych kaleh.
Niekatoryja padraździaleńni, pavodle jaho, pa dva-try razy na hod tolki stralajuć ź pistaletaŭ.
Z aŭtamatami buduć supracoŭniki patrulna-pastavych słužbaŭ, ale jany navučanyja vykonvać zadačy, nijak nie źviazanyja z bajavymi dziejańniami.
«BTR da pasta z patrulnymi padjedzie, i milicyi śled prastynie. Ni pistaletam, ni aŭtamatam tank nie spyniš», — zaŭvažaje były siłavik.
Na jahony pohlad, biełaruskija siłaviki buduć pavodzić siabie tak, jak i ich rasijskija kalehi.
Spačatku akažucca demaralizavanymi i nie buduć viedać, što kankretna rabić, bo nie budzie zahadaŭ źvierchu, albo jany nie buduć adpaviednymi situacyi. Potym im zahadajuć pierakryvać darohi, zatrymlivać padazronych asob.
«Pierakopvać, zahruvaščvać darohi, spyniać transpart i hetym błakavać ruch», — kaža jon.
Surazmoŭca pierakanany: kali adbudziecca ŭvarvańnie, to łukašysty nie paśpiejuć sabrać ludziej, kab arhanizavać supraciŭ, bo padziei buduć razhortvacca imkliva.
«Maralna supracoŭniki siłavych struktur nie hatovyja da vajny, — zajaŭlaje były siłavik. — Armija — inšaja sprava, ale supracoŭniki milicyi nie buduć baranić Łukašenku i jaho siamju. Nichto nie zachoča za ich addavać žyćcio, niezaležna ad taho, udzielničali jany ŭ złačynstvach apošnich troch hadoŭ ci nie. Toj, chto zapeckany, budzie dumać pra ŭcioki z krainy».
Jon dapuskaje, što za try hady situacyja ŭ siłavych strukturach źmianiłasia, ale sumniavajecca, što kardynalna.
«Naša Niva» — bastyjon biełaruščyny
PADTRYMAĆHladzicie taksama:
Apublikavany prajekt zakona pra narodnaje apałčeńnie. Raskazvajem, što ŭ im
Karajeŭ patłumačyŭ, čamu «bałota» lepšaje, čym toje, čaho chacieli biełarusy ŭ 2020-m
Jak ja pahavaryŭ ź milicyjanierami, jakija pryjšli mianie prafiłaktavać, pra Boha, zakon i sumleńnie
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
vozmožno otdať žizń za 16 cyhanskich riezidiencij (eto v odnoj tolko RB)?
a možiet za diesiatki jardov, kotoryje užie v Abudabi / Stambule i t.p.
za viečnoje rabstvo u tabora?
łoł kakoj to