Viaźni navapołackaj kałonii miarkujuć, što ŭ Viktara Babaryki insult
Pra heta «Našaj Nivie» paviedamiŭ były palitźniavoleny Valancin Łabačoŭ.
Sam Valancin daviedaŭsia pra heta ad svajakoŭ adnaho z palitviaźniaŭ.
«Viktar Babaryka, mahčyma, pieranios insult, i ŭ jaho prabitaje lohkaje», — raskazvajuć viaźni kałonii.
Jany nie viedajuć, jakaja suviaź pamiž insultam i stanam hrudnoj kletki.
Pa infarmacyi z kałonii, Babaryka dahetul nie viarnuŭsia tudy.
Sam Valancin Łabačoŭ miarkuje, što kali b u Viktara Babaryki ŭsio było dobra sa zdaroŭjem, to praŭładnyja kanały ŭžo b pakazali, jak jon vyhladaje, jak heta było z Maryjaj Kaleśnikavaj. «A tut dva miesiacy ničoha nie viadoma pra čałavieka. Ci značyć heta, što jon častkova ci poŭnaściu paralizavany?» — zadajecca pytańniem były palitviazień.
«Babaryka znachodzicca ŭ Kaladzičach u Respublikanskim špitali dla źniavolenych», — miarkuje Valancin Łabačoŭ.
Taksama Łabačovu raskazali, što Ihar Łosik budzie ŭ najbližejšy čas pieraviedzieny na turemny režym.
«Tamu što jon znachodzicca ŭ PKT ź lutaha, a trymać tam mohuć tolki da paŭhoda, z PKT u atrad užo nie viartajucca. Tamu miesiac-dva, i jon budzie ŭžo na tak zvanaj «krytaj turmie».
Užo bolš za miesiac pra asudžanaha na 14 hadoŭ kałonii Viktara Babaryku ničoha nie viadoma. Miarkujučy pa najaŭnaj infarmacyi, u noč z 24 na 25 krasavika jaho špitalizavali ŭ balnicu Navapołacka.
12 maja ad pravaabaroncaŭ źjaviłasia infarmacyja, što da svajho atrada ŭ navapołackaj kałonii jon nibyta ŭžo nie prypisany, a paśla — pra toje, što jaho nibyta pieraviali ŭ turemnuju balnicu pry SIZA-1 u Minsku. Paśla hetaha nijakich źviestak nie pastupała.
17 maja adbyłosia masavaje zatrymańnie miedykaŭ u Centralnaj haradskoj balnicy Navapołacka — akurat toj, kudy dastavili byłoha pretendenta na pasadu prezidenta i adkul padpolny «Rabočy ruch» atrymaŭ infarmacyju pra jaho špitalizacyju. Mnohim miedykam dali ad 10 da 15 sutak. Niekatorym vypisali štrafy.
U pryvatnaści, viadoma, što chirurha Michaiła Pačkoŭskaha i ŭrołaha Paŭła Stalmakova aryštavali na 15 sutak, zahadčycu adździaleńnia hiniekałohii Irynu Vasiljevu i fielčarku chutkaj dapamohi Natallu Piervianionak — na 10 sutak, a śpiecyjalistku UHD Ału Stalmakovu aštrafavali na 100 bazavych (3700 rubloŭ).
Potym miedykaŭ zvolnili za prahuły, jak paviedamlaŭ telehram-kanał «Biełyja chałaty».
Kiraŭnik «Biełhazprambanka» Viktar Babaryka vyłučyŭ svaju kandydaturu na prezidenckija vybary 2020 hoda i sabraŭ rekordnuju kolkaść podpisaŭ vybarcaŭ. Sacyjałahičnyja daśledavańni pakazvali, što jon maje samy vysoki rejtynh siarod usich kandydataŭ. Adnak u červieni 2020 hoda łukašenkaŭcy jaho aryštavali, a Centrvybarkam admoviŭ jamu ŭ rehistracyi ŭ jakaści kandydata.
U Viktara Babaryki moža być złamana rabro i prabita lohkaje — Kabanaŭ
Na Vaładarcy Babaryki niama, jon «u Kaladzičach». Tak adkazali ŭ SIZA-1
Viktara Babaryku mahli pieravieści ŭ balnicu minskaha SIZA — što heta kaža pra jaho zdaroŭje?
Babaryka bolš nie prypisany da atrada — pravaabaroncy
Usich zatrymanych miedykaŭ u Navapołacku zvolnili pa artykule za prahuły — «Biełyja chałaty»
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»15
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4141
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie41
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
A syn jaho Eduard čamu tady siadzić???
I kaleśnikava (hałava jaho štabu) - taksama ahient KHB?