Abvinavačanych pa spravie Hajdukieviča asudzili da vielizarnych terminaŭ. Prakopjevu dali zavočna 25 hadoŭ
Siońnia ŭ Minskim haradskim sudzie abviaścili prysud pa spravie nibyta padpału doma Aleha Hajdukieviča ŭ červieni 2021 hoda. Praces doŭžyŭsia čatyry miesiacy.
Vadzimu Prakopjevu dali maksimalna mahčymy termin — 25 hadoŭ uzmocnienaha režymu, ź ich 5 hadoŭ turmy. Ale zavočna. Pry hetym jamu prysudzili štraf pamieram 1 tysiača rubloŭ. Kvatera ŭ centry horada pakinutaja pad aryštam. Akramia taho, były restaratar, jak i inšyja fihuranty spravy, pazbaŭleny ŭsich voinskich i śpiecyjalnych zvańniaŭ.
Abvinavačańnie staviła ŭ vinu Vadzimu Prakopjevu stvareńnie arhanizavanaj złačynnaj hrupoŭki, zmovu i raspracoŭku płana pa zachopie ŭłady.
Uładzisłavu Vajciachoviču — 21 hod pazbaŭleńnia voli (režym uzmocnieny), pieršyja piać hadoŭ — turemny režym, pazbaŭleny voinskaha zvańnia.
Iharu Čamiakinu — 20 hadoŭ pazbaŭleńnia voli (režym uzmocnieny), pieršyja piać hadoŭ — turemny režym, pazbaŭleny voinskaha zvańnia.
Siarhieju Lisoŭskamu — 20 hadoŭ pazbaŭleńnia voli (režym uzmocnieny), pieršyja piać hadoŭ — adbyćcio pakarańnia va ŭmovach turemnaha režymu, pazbaŭleny voinskaha zvańnia.
Vitalu Vajciachoviču — 19 hadoŭ pazbaŭleńnia voli (režym uzmocnieny).
Uładzimiru Saviankovu — 16 hadoŭ pazbaŭleńnia voli (režym uzmocnieny), pieršyja piać hadoŭ — turemny režym, pazbaŭleny voinskaha zvańnia.
Dzianisu Chamiceviču — 16 hadoŭ pazbaŭleńnia voli (uzmocnieny režym), pieršyja piać hadoŭ — turemny režym, pazbaŭleny zvańnia.
Siarhieju Sakałovu — 14 hadoŭ pazbaŭleńnia voli (režym uzmocnieny), štraf — 700 bazavych vieličyń, pazbaŭleny voinskaha zvańnia.
Nastaśsi Vajciachovič — 11 hadoŭ pazbaŭleńnia voli (ahulny režym).
Volzie Pietuch — 10 hadoŭ pazbaŭleńnia voli (ahulny režym).
Mikałaju Roju — 12 hadoŭ pazbaŭleńnia voli (režym uzmocnieny).
Volzie Vajciachovič — 11 hadoŭ pazbaŭleńnia voli (ahulny režym).
Dźmitryju Nieviarkieviču — 11 hadoŭ pazbaŭleńnia voli (režym uzmocnieny), pazbaŭleny prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ na termin 5 hadoŭ, štraf — 3000 bazavych vieličyń.
Paŭłu Čychinskamu — 9 hadoŭ pazbaŭleńnia voli (režym uzmocnieny), pazbaŭleny prava zajmać pasady, źviazanyja z vykanańniem funkcyj pradstaŭnika ŭłady terminam 5 hadoŭ, pazbaŭleny voinskaha zvańnia.
Piatru Jurkieviču — 9 hadoŭ pazbaŭleńnia voli (režym uzmocnieny).
Dzianisu Fiłončyku — 9 hadoŭ pazbaŭleńnia voli, režym uzmocnieny.
Eduardu Piestraku — 3,5 hoda pazbaŭleńnia voli (režym uzmocnieny), pazbaŭleny prava zajmać pasady, źviazanyja z vykanańniem funkcyj pradstaŭnika ŭłady terminam 5 hadoŭ, taksama pazbaŭleny voinskaha zvańnia.
Alaksieju Michajłavu — 2 hady pazbaŭleńnia voli va ŭmovach ahulnaha režymu. Vyzvaleny z-pad varty ŭ zale suda ŭ suviazi z adbyćciom pryznačanaha terminu pakarańnia całkam.
Pa spravie prachodziła 18 abvinavačvanych, ź jakich 15 čałaviek znachodzilisia pad vartaj. Siarod ich — siamja Vajciachovičaŭ z čatyroch čałaviek, Volha Pietuch, Siarhiej Lisoŭski. Zavočna sudzili eks-restaratara Vadzima Prakopjeva i dvuch byłych siłavikoŭ — Dzianisa Chamiceviča i Ihara Čamiakina.
Dziaržaŭnaje abvinavačańnie, jakoje pradstaŭlaŭ u tym liku Maksim Čuprys, 6 červienia zaprasiła fihurantam spravy ad 2 da 25 hadoŭ kałonii.
Spravu pavodle 14 artykułaŭ Kryminalnaha kodeksa razhladaŭ Siarhiej Chrypač. Tekst abvinavačańnia zajmaŭ 136 staronak.
Kamientary
Nu-nu....