Sotni biełarusaŭ prachodziać bajavuju padrychtoŭku ŭ Polščy, kab zmahacca z režymam Łukašenki — The Times
BYPOL školić biełarusaŭ, jakich režym vyhnaŭ z krainy, pra heta piša brytanskaje vydańnie.
«Maja dačka nie viedaje, što ja tut. Ja skazała joj, što idu hulać u piejntboł, [ale] ja pryjšła siudy siońnia… Rychtavacca da boju za Biełaruś», — raskazvaje 42-hadovaja žančyna z pazyŭnym «Drapiežnica» na trenirovačnaj siesii ŭ Poznani, jakaja adbyvajecca ŭ vychadny dzień.
Na siesii ŭsiaho vosiem pačatkoŭcaŭ z navučalnaj zbrojaj, i heta pieršaja siesija takoha rodu ŭ Poznani — ale, pa słovach Alaksandra Azarava, lidara BYPOL, inšyja hrupy ŭžo niekalki miesiacaŭ trenirujucca ŭ Polščy, a ŭsiaho lik navabrancaŭ idzie na sotni.
«Ja nazyvaju heta bajavoj dyjasparaj», — pryvodzić Times słovy «Špaka», instruktara i byłoha vajskoŭca. «Naša siła raście z kožnym dniom, a tym časam, nakolki nam viadoma, ludzi zvalniajucca z režymnych [struktur]».
Hazieta nahadvaje, što na minułym tydni prezident Pucin raźmiaściŭ taktyčnuju jadziernuju zbroju ŭ Biełarusi — upieršyniu z savieckich časoŭ Rasija raźmiaściła bojehałoŭki za miežami RF. U Maskvie Siarhiej Karahanaŭ, hałoŭny pucinski palitołah, prapanavaŭ nanieści jadzierny ŭdar pa Polščy na toj padstavie, što ni adzin razvažny amierykanski prezident nie stanie pomścić i nie ryzyknie achviaravać, «skažam, Bostanam dziela, skažam, Poznani».
Tym nie mienš jakraz u Poznani biełarusaŭ, vymušanych biehčy sa svajoj krainy, zdajecca, nie turbuje pryvid jadziernaj vajny. Zamiest hetaha jany aktyŭna rychtujucca da dnia, jaki atrymaŭ nazvu «Čas X», kali jany viernucca ŭ svaju krainu, kab zmahacca z dyktaturaj.
«My pasprabavali mirny šlach», — kaža «Dzied», šaścidziesiacihadovy elektryk, jaki tolki niadaŭna ŭznaviŭsia paśla sardečnaha prystupu ad stresu, vyklikanaha pačatkam žyćcia z nula ŭ Polščy. «[Ale] ni adna nacyja nie zdabyvała sabie svabody biez kryvi».
The Times źviartaje ŭvahu, što arhanizacyja BYPOL raniej brała na siabie adkaznaść za dyviersii na čyhuncy, jakija mieli na mecie ŭskładnić pierasoŭvańnie rasijskich vojskaŭ paśla napadu na Ukrainu ŭ 2022 hodzie, a taksama za ataku na rasijski samalot A-50, ź jakoha ažyćciaŭlałasia naviadzieńnie rakiet na celi va Ukrainie, u Mačuliščach u lutym 2023-ha.
Hazieta nahadvaje, što ŭ 2021-m BYPOL zapuściŭ prahramu, prapanoŭvajučy biełarusam, niezadavolenym režymam Łukašenki, zarehistravacca ŭ ananimnym bocie płana «Pieramoha», rastłumačyć, jakija asablivyja navyki ŭ ich jość, i dačakacca sihnału dla dziejańniaŭ.
Biełaruskija navabrancy čakajuć dnia, kali Rasijskaja Fiederacyja pakinie Ukrainu i jany zmohuć pačać dziejničać. «Ja ŭpeŭnieny, što navat nienavučanyja ludzi ŭstanuć i buduć zmahacca», — pryvodzić The Times słovy navabranca z pazyŭnym «Tos».
1 červienia Alaksandr Łukašenka zajaviŭ, što Zachad rychtuje siłavy scenar źmieny ŭłady ŭ Biełarusi i niadaŭnija fakty śviedčać, što «ŭ Polščy, Litvie i, na žal, va Ukrainie viadziecca navučańnie siabroŭ niezakonnych uzbrojenych farmavańniaŭ».
Čytajcie jašče:
«Jość try hrupy ludziej». Azaraŭ raskryŭ niekatoryja detali płana «Pieramoha»
Stołtenbierh pra raźmiaščeńnie jadziernaj zbroi ŭ Biełarusi: NATA bačyć padrychtoŭku
Novy vitok kanfliktu ŭ «Bajpole»: zajavili, što Azaraŭ tam nichto i jaho vyklučyli
Kamientary
Adzin vusaty dzied: dzie maje tabletki
on provierien niezavisimymi śpiecsłužbami polši na polihrafie? ili budiet kak s niechtoj i protasievičiem?