Biznesoviec Raman Abramovič admaŭlajecca pieradavać Ukrainie srodki ad prodažu «Čełsi», pra heta piša tabłoid Daily Mail sa spasyłkaj na krynicy.
Jak adznačaje vydańnie, Abramovič choča, kab značnaja častka srodkaŭ dastałasia rasiejcam, jakija paciarpieli ad kanfliktu, adnak Jeŭrakamisija i ŭłady Vialikabrytanii nie pahodziacca na heta jak minimum datul, pakul dziejničajuć uviedzienyja suprać Rasii sankcyi.
Ahułam havorka idzie pra 2,3 miljarda funtaŭ sterlinhaŭ.
Krynica haziety, blizkaja da dabračynnaha fondu Abramoviča, skazała: «My spadziavalisia, što hrošy buduć pieraviedzienyja minułym letam, paśla my spadziavalisia na raźvićcio padziej u studzieni. Ciapier my spadziajomsia, što hrošy pačnuć pastupać Ukrainie da taho, jak da kanca hoda znoŭ naładziacca surovyja zimovyja ŭmovy, ale ŭ ciapierašni čas niama nijakich harantyj, što heta adbudziecca».
The Telegraph niekalki dzion tamu pisaŭ, što ES i Vialikabrytanija nie mohuć damovicca, jak bolš metazhodna vydatkavać srodki: Brusiel choča skiravać ich na doŭhaterminovaje adnaŭleńnie Ukrainy, Łondan — na dapamohu paciarpiełym ad vajny. Abramovič, pavodle źviestak vydańnia, pry prodažy kłuba damoviŭsia z uładami Vialikabrytanii, što hrošy pojduć na dapamohu «ŭsim achviaram kanfliktu va Ukrainie».
-
Pry ŭdary pa Samary, vierahodna, paškodzili cech, dzie vyrablajuć elektronnaje abstalavańnie dla rakiet-nośbitaŭ «Sajuz-2»
-
Rasijski piensijanier zahinuŭ na vajnie. Zatoje jaho siastry-biełaruscy pašancavała — atrymała adnu piatuju «Łady»
-
Ukrainskija rakiety nanieśli ŭdar pa rakietnym zavodzie ŭ Samary
Kamientary