Pasoł Kizim: Pra biełaruska-ŭkrainskija pieramovy ŭ Lvovie ja ničoha nie čuŭ. A Łukašenka zvaniŭ Zialenskamu
U aŭtorak Alaksandr Łukašenka ŭ intervju rasijskaj prapahandystcy Volzie Skabiejevaj zajaviŭ, što Uładzimir Zialenski sprabuje naładzić dypłamatyčny kantakt ź Biełaruśsiu i byccam by adbylisia niejkija biełaruska-ŭkrainskija pieramovy ŭ Lvovie. Pasoł Ukrainy ŭ Biełarusi Ihar Kizim prakamientavaŭ hetyja słovy radyjo «Unet».
Łukašenka zajaviŭ: «Zialenski mnie prapanuje: «Davaj pahavorym». Dasyłaje hetaha Kiryłu Budanava na pieramovy niedzie. My pajechali praź miažu ich, ministr zamiežnych spraŭ pajechaŭ tudy, nie pieršy raz, sieli ŭ Lvovie, viadziom pieramovy. Zdajecca, narmalna. Daviedalisia amierykancy. Pajšli niejkija nieparazumieńni. Jany nam prapanujuć: «Davajcie nastupnym razam u Stambule». Dy pašli vy na chren. Jaki Stambuł? Čaho my ŭ Stambuł pajedziem, my miažujem z vami. Chočacie razmaŭlać — davajcie razmaŭlać».
Kali prachodzili hetyja pieramovy, Łukašenka nie ŭdakładniŭ. Pra što idzie havorka, nie zrazumieŭ i pasoł Ukrainy ŭ Biełarusi Ihar Kizim.
— Aficyjna ničoha takoha nie było. Moža, kali była sustreča ŭ Biełaviežskaj puščy, niechta pajechaŭ u Lvoŭ ź biełaruskaha boku. Ale ja pra heta nie viedaju, aficyjna nie kamientavaŭ i nie budu heta kamientavać. Tam, dzie ja byŭ na pieramovach, a ja byŭ u Biełaviežskaj puščy, to ja bačyŭ, što tam biełarusaŭ nie było.
— Vy kazali, što Łukašenka šukaŭ kantaktaŭ ź Zialenskim…
— Jon zvaniŭ, namahaŭsia. Ale ja nie čuŭ, kab byli niejkija kantakty paśla pieramoŭ u Biełaviežskaj puščy. Ja, prynamsi, nie braŭ udziełu ŭ ich arhanizacyi. Zaŭždy ŭ takich vypadkach ambasada dałučajecca, ambasadar dałučajecca.
Usio, što robić ciapier biełaruskaja ŭłada, — heta pramy šlach da intehracyi z Rasijaj. I treba być realistami, kab razumieć, što hety praces nie spyniajecca. Lubaja intehracyja praduhledžvaje pieradzieł uładnych paŭnamoctvaŭ z taho ci inšaha boku.
Heta ŭ lubym sajuzie adbyvajecca, niezaležna [ad taho], ci to ŭ Jeŭrapiejskim sajuzie, ci to ŭ Savieckim, ci to ŭ Šanchajskaj arhanizacyi supracoŭnictva. Pytańnie, [jakoje] vynikaje, — nakolki hetaja intehracyja budzie hłybokaja, što treba budzie pastupicca častkaj suvierenitetu, ci nie.
Ciapier ja baču, što idzie peŭnaje zroščvańnie dziaržaŭnych orhanaŭ Rasii i Biełarusi. Da jakoj stupieni heta dojdzie — ja nie viedaju. Ci jość heta pazbaŭleńniem paŭnamoctvaŭ adnaho kiraŭnika, ci druhoha — tut čas pakaža.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»24
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary
SANKT-PIETIERBURH,
15 ijunia. /TASS/. Biełoruśsija i Donieckaja Narodnaja Riespublika (DNR) budut
raźvivať sotrudničiestvo v sielskom choziajstvie, mašinostrojenii, uholnoj
otraśli i postavkach piŝievoj produkcii, pieriedajet korriespondient TASS.Sootvietstvujuŝieje
sohłašienije v čietvierh podpisali na Pietierburhskom mieždunarodnom
ekonomičieskom forumie posoł Biełoruśsii v Rośsii Dmitrij Krutoj i vrio
hłavy DNR Dienis Pušilin.
To bok adbyŭsia ŭžo de-jure aficyjnyj kantakt łukašenkaŭskaha MZS i kiraŭnictva terarystyčnaha stvareńnia "DNR", navat niešta padpisali.
Bankavaja "nie zaŭvažyć", zachoŭvajučy ambasadu ŭ Miensku? Bo nielha "pravakavać" Łukašenačku?