Zialenski: Na čale Rasii stajać nieludzi, i heta siońnia najbolšaja katastrofa dla płaniety
Prezident Ukrainy Uładzimir Zialenski rezka nakinuŭsia na rasijskaje kiraŭnictva, abvinavaciŭšy jaho va ŭčynieńni maštabnych aktaŭ teraryzmu.
U svaim videazvarocie ŭ noč na piatnicu Zialenski zajaviŭ, što rasijskija vojski praciahvajuć metanakiravana abstrelvać Chierson i inšyja nasielenyja punkty vobłaści, užo zatoplenyja ŭ vyniku razbureńnia Kachoŭskaj HES, piša Bi-bi-si.
«Jany abstrelvajuć navat punkty evakuacyi, što jość užo takoj prajavaj zła, na jakuju, mabyć, nijakija terarysty ŭ śviecie, akramia rasijskich, nie išli», — skazaŭ Uładzimir Zialenski.
Dniom u čaćvier rasijskija vojski nanieśli ŭdar pa paŭzatoplenym Chiersonie, dzie praciahvajecca vyratavalnaja apieracyja. Paśla apoŭdnia rasijskija snarady pačali padać pobač ź miescam, dzie adbyvałasia evakuacyja ludziej z zatoplenych terytoryj i kudy prybyvali vyratavalnyja łodki. Śviedkami abstrełu stali mnohija žurnalisty.
Sa słoŭ Zialenskaha, na levabiarežnaj častcy Chiersonščyny, jakaja ŭtrymlivajecca rasijskimi vojskami, akupanty całkam kinuli ludziej na volu losu. «Tam užo druhija sutki tolki pašyrajecca katastrofa. I heta taksama absalutna śviadomy vybar rasijskaha kiraŭnictva», — skazaŭ ukrainski lidar.
«Niama ciapier u śviecie tych, chto nie ŭbačyŭ by, što Rasijaj kirujuć nieludzi. Nieludzi, jakija ŭłasna i źjaŭlajucca najvialikšaj katastrofaj na płaniecie siońnia. My pavinny zrabić razam z partniorami ŭsio, kab śviet dakazaŭ, što ŭmieje spraŭlacca z takimi katastrofami — z takimi terarystami», — skazaŭ Uładzimir Zialenski.
U čaćvier Zialenski naviedaŭ zatoplenyja ŭ vyniku razbureńnia płaciny rajony, dzie pahutaryŭ z čynoŭnikami, jakija zajmajucca baraćboj z nastupstvami katastrofy, sustreŭsia ź miascovymi žycharami i źviarnuŭsia da mižnarodnych arhanizacyj z zaklikam ab humanitarnaj dapamozie.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary