Usiaho patrochu11

U minskich parkach źjavilisia śpiecyjalnyja «stałoŭki» dla vavioračak. Jak heta pracuje?

Hałoŭny kvest — złavić vaviorku.

Minčukam, jakija lubiać prahulacca pa parkach Minska i pakarmić vaviorak, jakich tam šmat, prapanujuć ciapier kupić śpiecyjalny korm dla hetych źviarkoŭ. Jon pradajecca ŭ aŭtamatach, padobnych da viertykalnaha pienała ź dźviuma siekcyjami, pra heta pišuć «Minsk-Naviny».

Takich aparataŭ usiaho dva — u parku Horkaha (kala atrakcyjona «Dziciačy mini-ciahnik») i ŭ parku Čaluskincaŭ (kala atrakcyjona «Kałabok»). Ale heta pakul.

Fota: «Minsk-Naviny»

— Heta probnaja partyja, kab acanić, nakolki taki farmat budzie cikavy žycharam i haściam stalicy, — udakładniŭ načalnik upraŭleńnia «Haradskija parki Minskzielanbuda» Viačasłaŭ Łabačeŭski.

— Pakul u prodažy tolki arechi. Porcyja kaštuje 50 kapiejek.

Niebłahoje rašeńnie prablemy, bo čullivyja haradžanie sprabujuć pačastavać rudachvostych cukierkaj abo kačkam bułku pakryšyć. A dla ptušak i źviarkoŭ heta nie samaje pravilnaje i vidavočna nie samaje biaśpiečnaje charčavańnie. Bo možna naklikać na ich čałaviečyja prablemy, takija jak karyjes ci zachvorvańni rotavaj połaści.

Fota: «Minsk-Naviny»

Žurnalisty skarystalisia aŭtamatam, jaki znachodzicca ŭ parku Horkaha. Vizualna heta viertykalny pienał ź dźviuma siekcyjami, raźličany ŭ pierśpiektyvie i na korm dla ptušak.

Žetony kuplajucca u biletnaj kasie (tam ža, dzie i kvitki na karusieli). Pradajuć adrazu pa dva — chočaš kuplaj dźvie porcyi kormu dla ptušak, chočaš — adnu dla vavioračak. Z ulikam, što pakul jość tolki arechi, — vybar vidavočny. Porcyja varjirujecca ad dvuch da šaści štuk.

Pobač z aparatam — infarmacyjny ščyt z pakrokavaj instrukcyjaj: kudy ŭstavić žeton, dzie nacisnuć i što prakrucić, kab uziać łasunak.

A na samim aparacie padrabiaznaja instrukcyja, čym možna karmić čatyrochnohich i kryłatych nasielnikaŭ parku, a čym — kateharyčna zabaroniena.

Ciapier hałoŭnaja zadača — adšukać vavioračku. I viedajecie što? Misija ź ciažkaściu vykanalnaja.

Pa-pieršaje, vaviorki nie iduć na kantakt, choć zvyčajna hetym nie pakutujuć. A tut paŭhadziny biehali za źviarkom, uhavorvajučy — ni ŭ jakuju. Pryjšłosia pakinuć smakoćci ŭ karmušcy na drevie.

Fota: «Minsk-Naviny»

A pa-druhoje, vaviorak u parku stała prykmietna mienš. Heta adznačajuć navat jaho supracoŭniki. Kudy źnikli?

Akazvajecca, usio prosta: siadziać pa hniozdach i hladziać za svaimi dzicianiatkami.

— Vavierčaniaty źjaŭlajucca na śviet ślapymi i biez šerstki, i baćki prosta nieadstupna znachodziacca pobač — kormiać i abahravajuć, — udakładniajuć u staličnym zaaparku. — Całkam imavierna, što jakraz ciapier u źviarkoŭ taki pieryjad, jany zaniatyja nadzionnymi spravami i tamu nie milhajuć na darožkach i palanach parkaŭ. Da kanca miesiaca, chutčej za ŭsio, vaviorki znoŭ źjaviacca i navat vyvieduć u śviet dzicianiataŭ.

Tamu aparaty z prysmakami pryjducca jak nielha darečy.

Kamientary1

  • Žvir
    08.06.2023
    Niekali siemkami ich łasavaŭ. Małyja lubili mianie ŭ park vyciahnuć, kali ŭ Miensk pryjazdžali. Pamiataju, poki jany z atrakcyjonu da atrakcyjonu biehali, ja vaviorku častavaŭ. Jana skočyła pa halli bližejšaha dreŭca, ale adnačasova, vynikaje, nazirała za ŭsim naŭkoł. Ja pakłaŭ piastačku siemak na vierch aharodžy adnaho z atrakcyjonaŭ, i adyjšoŭ krychu ŭbok. Jana j prybiehła pa toj aharodžy. Źjeła piastku, dy j hladzić na mianie, kab jašče davaŭ. U vyniku padpuściła mianie zusim blizka, na adlehłaść vyciahnutaj ruki, i navat paziravać nie admoviłasia, kali ja jaje pačaŭ fatahrafavać, amal u samy abjektyŭ. :)

Ciapier čytajuć

Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi46

Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi

Usie naviny →
Usie naviny

Vypusknica, jakaja nabrała 400 bałaŭ pa CT u 2021-m, pierajechała ŭ Rasiju i nachvalvaje Maskvu22

Źjaviłasia novaje VIDEA śpiecapieracyi SBU «Pavucińnie»: z kamiery, zamacavanaj na samim dronie1

«My znoŭ sutykajemsia z manipulacyjami». Ukraincy adkazali na rasijskija abvinavačvańni ŭ zaciahvańni abmienu ciełami i pałonnymi

Biełaruskaja błohierka krykam i łajankaj rekłamuje brendy — zatoje źbiraje miljony prahladaŭ10

Rasijanie viazuć u Biełaruś tysiačy ciełaŭ zabitych vajskoŭcaŭ dla abmienu3

Na poli pad Barysavam zaŭvažyli pad sotniu busłoŭ VIDEA3

Astraviecki rajon abyšoŭ Minsk pa zarobkach

«My nie dzieci z Pucinym. Pucin — zabojca, jaki pryjšoŭ zabivać dziaciej»: Zialenski rezka adkazaŭ Trampu na zajavu pra vajnu7

Były śpikier Hienštaba USU zaklikaŭ nasielnictva Sum evakujavacca z-za nastupu Rasii

bolš čytanych navin
bolš łajkanych navin

Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi46

Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi

Hałoŭnaje
Usie naviny →

Zaŭvaha:

 

 

 

 

Zakryć Paviedamić