Navuka i technałohii1414

Jak pačyścić vaš akaŭnt u Google Play — pakrokavy hajd

Pa apošnich paviedamleńniach, siłaviki pačali hladzieć na miažy nie tolki halereju i sacyjalnyja sietki, ale i Google Play. Nie ŭsie viedajuć, ale navat vydalenyja prahramy zachoŭvajucca ŭ historyi nazaŭsiody. 

Fota: Victoria_Regen / pixabay.com

Imavierna, śpiecsłužby šukajuć tam ślady prahramy (mobile app) «Novaja Biełaruś» abo starych prahramaŭ niezaležnych vydańniaŭ i, mahčyma, taksama VPN. U lubym vypadku, kali vy chočacie vydalić ślady ŭstalavanaj prahramy całkam, treba vykanać nastupny ałharytm.

Spačatku ŭvajdzicie ŭ prahramu Google Play. Jaje emblema vyhladaje voś tak:

Emblema prahramy Google Play («Krama Play» u biełaruskim pierakładzie)

Paśla hetaha treba nacisnuć na vyjavu vašaha profilu. Jana znachodzicca ŭ krajnim pravym kucie.

Avatar profilu zamazany ŭ pravym vierchnim kucie. Treba nacisnuć na jaho

Paśla hetaha adkryjecca mieniu. Abiarycie punkt «Kiravańnie prahramami i pryładaj» i naciśnicie na jaho.

Tut treba abrać punkt «Kiravańnie prahramami i pryładaj»

Paśla hetaha pierajdzicie ŭ punkt «Kiravańnie». Znajdzicie tam prahramu, jakuju vy chočacie vydalić.

Prahrama ŭ punkcie mieniu «Kiravańnie»

Paśla hetaha naciśnicie «ptušačku» ŭ pravym boku nasuprać nazvy prahramy abo doŭhim naciskańniem na nazvu. Prahladzicie śpis i praciahvajcie vyłučać prahramy, jakija vy chacieli b vydalić.

Prykład vyłučeńnia prahramy, jakuju vy chacieli b vydalić

Paśla hetaha naciśnicie na karcinku «Śmietnicy», jakaja znachodzicca ŭ vierchnim pravym kucie. U vas adkryjecca akienca paćviardžeńnia vydaleńnia prahramy abo prahramaŭ.

Akno paćviardžeńnia vydaleńnia prahramy

Naciśnicie «Vydalić». Paśla źviarnicie ŭvahu na vierchni radok punkta mieniu «Kiravańnie». Tam jość punkt «Ustalavanyja» sa strełkaj u pravym baku. Naciśnicie na jaho.

Ciapier vam treba nacisnuć «Nie ŭstalavanyja», kab adkryŭsia śpis usich prahramaŭ, jakija vy niekali ŭstaloŭvali na vaš telefon.

Prahrama «Novaja Biełaruś» u śpisie «Nie ŭstalavanyja»

Źviarnicie ŭvahu: prahrama «Novaja Biełaruś», jakuju my vydalali ŭ minułym punkcie, zastałasia ŭ śpisie «Nie ŭstalavanych». To-bok navat paśla vydaleńnia jana zastałasia ŭ śpisie.

Vyłučycie prahramy, jakija vy chacieli b vydalić, takim ža čynam, jak i ŭ minułym punkcie — naciskajučy na «ptušački» z pravaha boku ad nazvaŭ abo doŭha naciskajučy na samu nazvu. Abiarycie ŭsie prahramy, jakija vy chacieli b vydalić.

Vyłučanaja prahrama «Novaja Biełaruś» u śpisie «Nie ŭstalavanyja». Pamier prahramy inšy, ale vyhlad amal taki samy

Paśla taho jak vy abieracie ŭsie prahramy, jakija chočacie vydalić, naciśnicie na «Śmietnicu» i paćvierdzicie vydaleńnie takim ža samym čynam. Paśla hetaha ŭnizie źjavicca akienca, jakoje paćviardžaje vydaleńnie.

Ciapier vydalenaja prahrama nie budzie pakazvacca ŭ Google Play. Imavierna, historyja pra jaje vydaleńnie zastajecca na siervierach Google, ale praz smartfon fakt jaje ŭstalavańnia prahladzieć budzie niemahčyma.

«Naša Niva» — bastyjon biełaruščyny

PADTRYMAĆ

Kamientary14

  • Santa
    10.06.2023
    Acab, čarhovaje tryźnieńnie, jakoje množyć ros. prapahanda. Pa-pieršaje, Huhł nie ŭvachodzić u Meta. Pa-druhoje, niama takich prykładaŭ, što biełarusy pastradali ad taho, što Huhł byccam by niešta tam pieradaŭ režymu. A voś prykłady taho, što hebnia-oac-hubopik-itd vižuje za biełarusami praz kamiery i kipod, prasłuchoŭvańnie i td, vielmi šmat, i nastupstvy ad hetyja vialikija, ale ‘acabu' čamuści mulaje mienavita ŭsio zachodniaje dy amierykanskaje.
  • HuhiełoFOB
    10.06.2023
    Łučšij variant imieť čistyj huhieł-akk - eto nie zavodiť jeho voobŝie.
  • Acab
    10.06.2023
    Asobna padkreślu, ja pamyłkova napisaŭ vyšej, što huhl naležyć mecie. Nie, naležyć alfabetu

Ciapier čytajuć

«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje

«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje

Usie naviny →
Usie naviny

U Rasii vajskoŭca asudzili za paraženskija nastroi

Samy praciahły maršrut — 140 kiłamietraŭ za dzień. Eks-palitviazień Andrej Kuźniečyk zaciaty viełasipiedyst — jon raskazaŭ pra svajo chobi6

Nie prapuścicie vialikija źnižki na rekłamu ŭ «Našaj Nivie» da kanca leta

62-hadovuju namieśnicu dyrektara minskaj himnazii adpravili ŭ kałoniju za palityku12

Złučanyja Štaty mohuć skaracić kolkaść svaich vojskaŭ u Jeŭropie na 30%3

Šeleh: Biełaruskija leki ničym nie adroźnivajucca ad starych preparataŭ bujnych farmaceŭtyčnych kampanij3

Nastajaciel manastyra Šaaliń trapiŭ pad śledstva pa padazreńni ŭ rastratach i amaralnym ładzie žyćcia4

U Rečyckim rajonie ad udaru tokam zahinuli dvoje mužčyn

Ceny na šakaład ździŭlajuć13

bolš čytanych navin
bolš łajkanych navin

«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje

«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje

Hałoŭnaje
Usie naviny →

Zaŭvaha:

 

 

 

 

Zakryć Paviedamić