4 červienia ŭkrainskija siły praviali łakalnyja naziemnyja ataki i damahlisia abmiežavanych taktyčnych pośpiechaŭ u zachodniaj častcy Danieckaj vobłaści i va ŭschodniaj častcy Zaparožskaj vobłaści, piša ŭ svajoj štodzionnaj zvodcy amierykanski Instytut vyvučeńnia vajny (ISW).
Na kadrach z hieałakacyjaj, apublikavanych 4 červienia, vidać, što miechanizavanyja ŭkrainskija siły prasunulisia na paŭnočny ŭschod ad Raŭnopala.
Rasijskija vajennyja błohiery śćviardžali, što ŭkrainskija siły nanieśli ŭdar u kirunku Pryjutnaha (15 km na paŭdniovy zachad ad Vialikaj Navasiołki) i Makaraŭki (4 km na paŭdniovy zachad ad Vialikaj Navasiołki) i zachapili Navadaraŭku (14 km na paŭdniovy zachad ad Vialikaj Navasiołki) i Niaskučnaje (2 km na paŭdniovy zachad ad Vialikaj Navasiołki).
Niekatoryja rasijskija błohiery śćviardžali, što ŭkrainskija vojski prarvali pieršuju liniju rasijskaj abarony i prasunulisia ŭ hetym rajonie na 3 kiłamietry. Ekśpierty ISW adznačajuć, što na momant składańnia ranišniaj spravazdačy vizualnych paćviardžeńniaŭ hetych paviedamleńniaŭ nie było.
Z paviedamleńniaŭ taksama vynikaje, što rasijskija vojski stracili svaje pazicyi ŭ Lavadnym (18 km na paŭdniovy zachad ad Vialikaj Navasiołki), choć niezrazumieła, adbyłosia heta niadaŭna ci raniej.
Niekatoryja vajennyja błohiery śćviardžali, što ŭkrainskija siły raspačali abmiežavanyja kontrataki ŭ rajonie Małoj Takmački (28 km na paŭdniovy ŭschod ad Hulajpola), a rasijskija vojski nanieśli avijaŭdary pa atakujučych ukrainskich siłach kala Hulajpola.
Rasijskija krynicy ŭ asnoŭnym śćviardžali, što ŭkrainskija łakalnyja kontrataki byli raźviedvalnymi apieracyjami.
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary