Łukašenka paškadavaŭ, što Rasija nie pajšła bolš maštabnaj vajnoj na Ukrainu ŭ 2014-2015 hadach
Alaksandr Łukašenka na sustrečy z kiraŭnikami śpiecsłužb SND adznačyŭsia rezanansnaj zajavaj. Jon faktyčna paškadavaŭ, što Rasija nie pajšła bolš maštabnaj vajnoj na Ukrainu ŭ 2014-2015 hadach, kali va Ukrainie nie było armii, i abvinavaciŭ Zachad, što jon zrabiŭ Ukrainu zdolnaj abaranić siabie.
Jaho słovy pryvodzić BiełTA.
Łukašenka staŭ abvinavačvać ukrainskaje kiraŭnictva ŭ tym, što jano nie karystałasia varyjantami «žyć mirna».
«Ale ni byłyja [prezidenty] Janukovič, Parašenka, ni ciapierašni Zialenski hetym nie skarystalisia. Čamu nie skarystalisia? Jany što, chacieli vajny? Nie. Ich prosta šturchali da hetaha. Znajšli bolevyja miescy, dzie možna było nacisnuć», — skazaŭ Alaksandr Łukašenka.
A paśla zajaviŭ:
«Adzinaja, napeŭna, naša pamyłka, što my nie vyrašyli hetaje pytańnie ŭ 2014-2015 hadach, kali nie było ni vojska va Ukrainy, ni hatoŭnaści… Usio chacieli mirna niejak urehulavać. A jany za hety čas stvarali bajazdolnyja Uzbrojenyja siły».
Abvinavaciŭ taksama Jeŭropu:
«Jany adkryta pryznalisia, što rabili ŭsio, kab padrychtavać Ukrainu da vajny z Rasijaj».
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała19
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary