Padčas ekskursii ŭ Pałac Niezaležnaści vychavancam vajskova-patryjatyčnaha centra śpiecpadrychtoŭki «Skif» z Rečycy i abłasnoha vajskova-patryjatyčnaha kłuba «Dobleść» vajskovaj čaści 3310 pakazali ekspanaty, raźmieščanyja ŭ kalidorach. Na fota, apublikavanym dziaržaŭnym infarmahienctvam BiełTA, Reform.by zaŭvažyŭ charakterny ekspanat.
Na kalidornaj vystavie zaŭvažanaja kuvałda ŭ futlary ad skrypki, vielmi padobnaja da toj, jakuju nie tak daŭno muzieju PDV pry Rečyckaj rajonnaj himnazii padaryŭ kamandzir adnaho z atradaŭ PVK «Vahnier» Mikałaj Budźko.
Na kuvałdzie z vystavy ŭ Pałacy Niezaležnaści možna razabrać daroŭny nadpis, jaki pačynajecca słovami «Aleksandru Hrihoŕjeviču…». Što heta za ekspanat, u paviedamleńni infarmahienctva nie ŭdakładniajecca.
Kuvałda «Vahniera» stała simvałam vajennych złačynstvaŭ rasijskich vajskoŭcaŭ, joj «vahnieraŭcy» publična i biez suda karajuć tych, chto pierad imi praviniŭsia. Ale tyja hramadzianie i palityki, jakim takija mietady daspadoby, achvotna praktykujuć hłaryfikacyju hetaha instrumienta i va ŭłasnaj prapahandzie.
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury5
Kamientary
Hetkaha nie było navat pry saŭkie, pad čas jakoha pijaneryja vyhladała našmat bolš viehietaryjanskaj.
Hitleriuhiend, chunvejbiny, čyrvonyja kchmiery Pał Pota (siaredni ŭzrost bajcoŭ składaŭ 14 hod) i padletki ISIL, pucinskaja junarmija - aryjenciry vidavočnyja