«Ja acaniŭ jaho žart». Pierapałka Takajeva i Łukašenki praciahvajecca
Prezident Kasym-Žamart Takajeŭ zajaŭlaje, što ŭ Kazachstana niama nieabchodnaści ŭstupać u Sajuznuju dziaržavu i jadziernaja zbroja jaho krainie taksama nie patrebnaja. Tak jon adkazaŭ Alaksandru Łukašenku.
Prezident Kasym-Žamart Takajeŭ adkazaŭ Łukašenku, jaki prapanavaŭ Kazachstanu i inšym krainam, što chočuć mieć jadziernuju zbroju, ustupić u Sajuznuju dziaržavu.
«Ja jak śled acaniŭ jaho žart. Ja dumaju, što nieabchodnaści ŭ hetym niama, pakolki isnujuć i inšyja intehracyjnyja abjadnańni, pierš za ŭsio Jeŭrazijski ekanamičny sajuz.
Što tyčycca jadziernaj zbroi, to jana nam nie patrebnaja, pakolki my dałučylisia da Damovy ab nieraspaŭsiudžańni jadziernaj zbroi i Damovy ab zabaronie vyprabavańniaŭ jadziernaj zbroi. My zastajomsia viernymi abaviazacielstvam u ramkach hetych mižnarodnych dakumientaŭ», — skazaŭ jon.
Prezident Kazachstana Kasym-Žamart Takajeŭ nazvaŭ prablemaju stupień intehracyi pamiž Biełaruśsiu i Rasijaj i astatnimi krainami JEAES.
Na Jeŭrazijskim ekanamičnym forumie 24 maja jon adznačyŭ, što heta pytańnie treba abmiarkoŭvać. «U nas jość u Jeŭrazijskim ekanamičnym sajuzie Sajuznaja dziaržava. Heta značyć, u suśvietnaj palityčnaj historyi stvorany ŭnikalny precedent abo fienomien, jak chočacie. Stvareńnie dziaržavy pa formule «dźvie krainy — adna dziaržava» z adzinaj palityčnaj, jurydyčnaj, vajskovaj, ekanamičnaj, valutnaj, kulturnaj, humanitarnaj prastoraj, z adzinym sajuznym uradam, z adzinym sajuznym parłamientam. Nu, ja prašu prabačeńnia, i navat jadziernaja zbroja adna na dvaich ciapier», — skazaŭ jon.
Alaksandr Łukašenka pabačyŭ u słovach Takajeva inšaje. Jon zajaviŭ, što toj, chto choča jadziernuju zbroju, chaj ustupaje ŭ sajuz Rasii i Biełarusi.
«U sajuz Biełarusi z Rasijaj treba ŭstupać i ŭsio: budzie jadziernaja zbroja na ŭsich», — zajaviŭ Łukašenka.
«Navat jadziernaja zbroja adna na dvaich». Takajeŭ ličyć prablemaj Sajuznuju dziaržavu ŭ składzie JEAES
«Ludzi pryvykli žyć u kamforcie, cyvilizavana, pryhoža». Valfovič patłumačyŭ, navošta Biełarusi jadziernaja zbroja
«Razam z rasijskaj zbrojaj moža źjavicca i rasijskaja vajskovaja baza. A vypierci ich budzie składana». Jakija nastupstvy atrymaje Biełaruś praz raźmiaščeńnie jadziernaj zbroi na svajoj terytoryi
Dzie raźmieściać rasijskuju jadziernuju zbroju, vybuch jakoj moža źniščyć ceły horad?
«Kazać, što my ŭsie pamrom, — dakładna niapravilna». Ekśpiert pra mahčymyja nastupstvy jadziernaj vajny
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary