«Navat jadziernaja zbroja adna na dvaich». Takajeŭ ličyć prablemaj Sajuznuju dziaržavu ŭ składzie JEAES
Prezident Kazachstana Kasym-Žamart Takajeŭ nazvaŭ prablemaju stupień intehracyi pamiž Biełaruśsiu i Rasijaj i astatnimi krainami JEAES. Na siońniašnim Jeŭrazijskim ekanamičnym forumie jon adznačyŭ, što heta pytańnie treba abmiarkoŭvać.
«Jašče adzin momant, tak by mović, kanceptualnaj realnaści ci śpiecyfika, jakuju nam treba ŭličvać. Heta najaŭnaść u ramkach Jeŭrazijskaha ekanamičnaha sajuza Sajuznaj dziaržavy ŭ asobie Biełarusi i Rasii.
Kanceptualnaja ideałahičnaja asnova hetaha sajuza dastatkova surjoznaja. Heta ŭzajemnaje pryznańnie histaryčnaj supolnaści biełaruskaha i ruskaha narodaŭ, pryznańnie kulturnaj, moŭnaj, relihijnaj identyčnaści, heta značyć pryznańnie najaŭnaści adnaho naroda. Adzin narod — adna dziaržava.
U nas jość u Jeŭrazijskim ekanamičnym sajuzie Sajuznaja dziaržava. Heta značyć, u suśvietnaj palityčnaj historyi stvorany ŭnikalny precedent abo fienomien, jak chočacie. Stvareńnie dziaržavy pa formule «dźvie krainy — adna dziaržava» z adzinaj palityčnaj, jurydyčnaj, vajskovaj, ekanamičnaj, valutnaj, kulturnaj, humanitarnaj prastoraj, z adzinym sajuznym uradam, z adzinym sajuznym parłamientam. Nu, ja prašu prabačeńnia, i navat jadziernaja zbroja adna na dvaich zaraz», — skazaŭ jon.
Na hetych słovach Pucin i Łukašenka emacyjna pacisnuli adzin adnamu ruki.
Takajeŭ ličyć takuju stupień intehracyi ŭ JEAES prablemaj.
«Jość inšy ŭzrovień intehracyi, pradstaŭlenaj Kazachstanam, Kyrhyzstanam, Armienijaj. I z hetaj realnaściu nam treba ličycca. Jak my budziem pracavać u hetych umovach? Heta pytańnie kanceptualnaje. Nam treba, ja dumaju, u tym liku i na hetym ekanamičnym forumie abmierkavać hetu prablemu», — dadaŭ Tokajeŭ.
Pra toje, što Rasija pa prośbie Łukašenki raźmieścić u Biełarusi jadziernuju zbroju, Pucin zajaviŭ u sakaviku. Na terytoryi Biełarusi jaje pakul niama.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary