U Niamieččynie nieviadomy pranik va ŭradavy kartež i nakinuŭsia na Šolca
U Niamieččynie nieviadomy mužčyna na svaim aŭtamabili dałučyŭsia da ŭradavaha kartežu, u jakim pierasoŭvaŭsia kancler Ołaf Šolc. Jon śćviardžaje, što pryniaŭ jaho za viasielny.
Šolc znachodziŭsia ŭ budynku Jeŭrapiejskaha centralnaha banka ŭ Frankfurcie-na-Majnie. Paśla hetaha jon razam ź ministram finansaŭ Kryścijanam Lindnieram adpraviŭsia ŭ aeraport u supravadžeńni palicejskich i achovy.
Pa darozie mužčyna, imia jakoha nie nazyvajecca, na svaim aŭtamabili dałučyŭsia da ŭradavaha kartežu. Paźniej jon śćviardžaŭ, što dumaŭ, što heta viasielle, piša «Jeŭrapiejskaja praŭda» sa spasyłkaj na Bild.
Palicyja, vidavočna, nie zaŭvažyła aŭtamabil, jaki nie byŭ častkaj uradavaj kałony.
Choć numaroŭ aŭtamabila nie było ŭ bazie, jaho prapuścili na zakrytuju terytoryju aeraporta Fraport.
Členy delehacyi chutka padnialisia na bort uradavaha samalota, ale Šolc zatrymaŭsia, pakolki razmaŭlaŭ pa telefonie ŭ aŭto.
Paśla hetaha Šolc vyjšaŭ ź limuzina i zachacieŭ padziakavać achoŭnikam i zrabić fota na pamiać, jak jon heta časta robić.
U hety momant da jaho padbieh nieviadomy mužčyna i raptam kinuŭsia na kanclera, pacisnuŭ jamu ruku i prycisnuŭ da hrudziej, sprabujučy abniać. Tolki kali mužčyna adpuściŭ Šolca, achoŭniki ŭśviadomili niebiaśpieku situacyi.
Fremder schummelt sich an Kanzler ran - Scholz-Schock auf dem Rollfeld https://t.co/giEDes36DM
Ilustracyja Bild
Sam kancler spakojna adreahavaŭ na incydent, nie nadaŭšy jamu značeńnia. Adnak, jak adznačaje vydańnie, jon budzie mieć nastupstvy dla ŭradavaj achovy.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary