Stała viadoma, chto toj ajcišnik, jakoha dniami zatrymali pa viartańni z Polščy. A taksama toje, jak jaho adsočvali
U minułuju piatnicu praŭładnyja kanały paviedamili pra jaho zatrymańnie. Siońnia prapahandysty raskazali, chto toj ajcišnik i jak jaho zatrymali.
Minčuku Jaŭhienu Cichanavu 40 hadoŭ. Jon skončyŭ akademiju MUS bolš za 15 hadoŭ tamu i paśpieŭ papracavać učastkovym, ale zvolniŭsia pa ŭłasnym žadańni. Paśla, pa infarmacyi ź jaho sacsietak, niejki čas pažyŭ u Jeŭropie, u Italii.
Mužčyna paźniej pierajšoŭ u IT. Kali vieryć jaho staroncy ŭ Linkedin, apošni čas pracavaŭ na pasadzie staršaha inžyniera pa kantroli jakaści prahramnaha zabieśpiačeńnia (Senior Software QA Engineer) u kampanii SK hynix memory solutions. Razam z kampanijaj mužčyna pierajechaŭ u Polšču.
Jaho zatrymali pry sprobie ŭjezdu ŭ Biełaruś — mužčyna chacieŭ pryjechać na dzień naradžeńnia maci i aformić davieranaść, a taksama ŭziać daviedku pra adsutnaść sudzimaści.
Zhodna z paviedamleńniami HUBAZiK, jaho pastavili na tak zvany «kantrol miažy». Vyhladaje tak, što pry hetych mierapryjemstvach čałaviek moža nie viedać pra mahčymaść zatrymańnia (da jaho svajakoŭ nie prychodziać, a jaho nidzie nie šukajuć), kali jon za miažoj, ale adrazu paśla pierasiačeńnia miažy jaho zatrymajuć.
Suprać Jaŭhiena Cichanava, jak paviedamlajecca, zaviedzienaja kryminalnaja sprava za kamientaryi ŭ telehramie pra siłavikoŭ i Łukašenku pa troch artykułach.
Heta nie pieršy vypadak zatrymańnia ludziej pry viartańni ich u Biełaruś. Pra takija vypadki stanovicca viadoma ledź nie štotydzień — mnohija z tych, chto viartajecca, na žal, paśla papaŭniajuć śpisy palitviaźniaŭ.
«Naša Niva» — bastyjon biełaruščyny
PADTRYMAĆ
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary