Rasija straciła ŭ Bachmutie kala sta tysiač čałaviek, skazaŭ prezident ZŠA Džo Bajden. Jon nie ŭdakładniŭ, maje na ŭvazie zabitych, ci zabitych i paranienych.
Bajden skazaŭ, što ciapier nie maje značeńnia, zachapili rasijanie horad, ci nie.
«Vakoł Bachmuta abmierkavańni — stračany jon, ci nie. Rasija paniesła straty — kala sta tysiač čałaviek u Bachmucie. Heta ciažka papoŭnić. Nie važna, akupavany jon, ci nie, heta ŭsio roŭna razburany horad», — skazaŭ Bajden.
Učora Pryhožyn zajaviŭ, što vahnieraŭcy ŭziali Bachmut. USU abviarhajuć heta. Siońnia ŚMI napisali, što Zialenski pryznaŭ stratu horada, a potym abvierhli heta — nibyta niapravilna pieradali jaho słovy.
Ekśpierty miarkujuć, što ŭ rasijskaj armii suadnosiny zabitych i paranienych składajuć prykładna 1:4 abo 1:3. Usiaho, pa acenkach zachodnich analitykaŭ, na hety momant Rasija straciła zabitymi ad 40 da 50 tysiač čałaviek. Telehram-kanały, jakija źbirajuć infarmacyju pra straty Rasii z adkrytych krynic, na hety momant zafiksavali imiony bolš jak 23 000 zabitych.
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary