Vajna22

Straty Rasii ŭ vajnie suprać Ukrainy pieravalili za 200 tysiač zabitymi — Hienštab USU

Pa padlikach Hienieralnaha štaba Uzbrojenych sił Ukrainy, Rasijskaja Fiederacyja ŭ poŭnamaštabnaj vajnie suprać Ukrainy straciła ŭžo bolš za 200 tysiač svaich hramadzian, jakich adpraviła na front. Takija źviestki Hienštaba USU pavodle stanu na ranicu 17 maja.

Fota: Hienštab USU

Za apošnija sutki abaroncy Ukrainy źniščyli kala 610 rasijskich zachopnikaŭ, 2 srodki supraćpavietranaj abarony, 9 tankaŭ, 16 artyleryjskich sistem i 17 bajavych braniravanych mašyn.

Ahulnyja bajavyja straty RF z 24.02.22 da 17.05.23 aryjencirovačna skłali:

  • asabovaha składu — kala 200 590 (+610) čałaviek likvidavana,
  • tankaŭ — 3 771 (+9) adzinak,
  • bajavych braniravanych mašyn — 7 365 (+17),
  • artyleryjskich sistem — 3 166 (+16),
  • RSZA — 562 (+0),
  • srodkaŭ SPA — 318 (+2),
  • samalotaŭ — 308 (+0),
  • viertalotaŭ — 294 (+0),
  • BPŁA apieratyŭna-taktyčnaha ŭzroŭniu — 2 748 (+16),
  • kryłatych rakiet — 982 (+9),
  • karabloŭ / kataraŭ — 18 (+0),
  • aŭtamabilnaj techniki i aŭtacysternaŭ — 6 067 (+19),
  • śpiecyjalnaj techniki — 417 (+7).

Danyja ŭdakładniajucca, zaznačaje Hienštab.

Na pačatku maja Bi-bi-si i «Miedyjazona» na asnovie adkrytych krynic ustanavili imiony 21700 rasijskich vajskoŭcaŭ, jakija zahinuli va Ukrainie. Žurnalisty zaznačali, što śpis moža ŭtrymlivać, prynamsi, u dva razy mienš imionaŭ zahinułych, čym nasamreč pachavana ŭ Rasii. Da takoj vysnovy žurnalisty pryjšli, vyvučajučy abstanoŭku na mohiłkach u bolš čym 65 rasijskich nasielenych punktach na praciahu apošnich 14 miesiacaŭ.

Takim čynam, pavodle najbolš kansiervatyŭnaj acenki, padčas uvarvańnia va Ukrainu Rasija na pačatak maja 2023 hoda mahła stracić 43 400 čałaviek zahinułymi.

Ahulnyja biezzvarotnyja straty Rasii (heta značyć, kolkaść tych, chto vybyŭ sa stroju z pryčyny ranieńnia abo śmierci ci prapaŭ bieź viestak) mohuć składać, prynamsi, 195 000 čałaviek.

ZŠA śćviardžali, što sa śniežnia 2022 hoda va Ukrainie zahinuła 20 tysiač rasijskich vajskoŭcaŭ, pryčym bolšaść — u Bachmucie.

Sama Rasija apošni raz nazyvała ličby 22 vieraśnia minułaha hoda. Tady ministr abarony Siarhiej Šajhu kazaŭ, što va Ukrainie zahinuła 5937 rasijskich sałdat i aficeraŭ.

Kamientary2

  • Hienierał Šviejk
    17.05.2023
    Kali mierkavać pa statystycy ad Šajhu, jon najmitaŭ pryvatnych vajskovych kampanij (dziejnaść jakich pa niejkaj niedarečnaści zabaroniena zakonam rf) za ludziej nie ličyć. I častku z zahinułych žaŭnieraŭ rf taksama. Napeŭna, bo sam nie słužyŭ. Albo ŭ škole aryfmietyku nie prachodziŭ.
  • Mierkavańnie
    17.05.2023
    U ýkraincaý kažuć što likvidavana, a nie zabita. Likvidavana heta zabityja i paranienyja jakija nie mohuć praciahvać viesci bajavyja dziejanni. Kali 200 000 tolki za zabitych prymać. To pry standartnaj formule ýzbrojennaha kanflikta zabityja:paranienyja (1:3), to jašče minimum 600 000 paranienych atrymoývajecca. Usiaho 800 000 zabitych i paranienych z rasijskaha boku heta małavierahodna, pry tym što hrupoýka ývarvańnia na 24.02.2022 była 185 000 čałaviek.

Ciapier čytajuć

Izrail bambić Siryju, patrabujučy ad Damaska adčapicca ad druzaŭ. Z čaho takaja družba?10

Izrail bambić Siryju, patrabujučy ad Damaska adčapicca ad druzaŭ. Z čaho takaja družba?

Usie naviny →
Usie naviny

Aŭtobus i mikraaŭtobus sutyknulisia ŭ Biarozaŭskim rajonie: 15 čałaviek paciarpieli

«Častku svajakoŭ ja adsiejała». Hamialčanka, jakaja žyvie ŭ Adesie, raspaviała pra adaptacyju da abstrełaŭ, ukrainskuju movu i svoj błoh8

Tramp zajaviŭ, što rakiety dla Patriot užo adpraŭleny va Ukrainu1

U Breście pierad 3 lipienia byli masavyja «previentyŭnyja» zatrymańni

«Viza nie pryznačanaja dla turyzmu». Biełarusa departavali z Polščy za «niametavuju» pajezdku ŭ Čechiju8

U Biełaruś prajezdam ź Jeŭropy zazirnuŭ prezident Indaniezii1

Siamihadovy chłopčyk naźbiraŭ amal 2 tysiačy rubloŭ za hod. Na što pojduć hrošy?2

Pucin adchilić ultymatum Trampa i rychtujecca da novaj eskałacyi va Ukrainie5

Tramp zajaviŭ, što Zialenski nie pavinien nanosić udary pa Maskvie, a dalnabojnych rakiet Ukrainie jon nie daść7

bolš čytanych navin
bolš łajkanych navin

Izrail bambić Siryju, patrabujučy ad Damaska adčapicca ad druzaŭ. Z čaho takaja družba?10

Izrail bambić Siryju, patrabujučy ad Damaska adčapicca ad druzaŭ. Z čaho takaja družba?

Hałoŭnaje
Usie naviny →

Zaŭvaha:

 

 

 

 

Zakryć Paviedamić