Minabarony pačało novyja zbory z vajenaabaviazanymi. U tym liku ŭ Minsku
Zbory pravodziacca z 11 maja pa 2 červienia ŭ Homieli, Mazyrskim rajonie i Leninskim rajonie Minska z vajennaabaviazanymi. Meta — kamplektavańnie orhanaŭ kiravańnia terytaryjalnaj abarony i voinskich čaściej terytaryjalnych vojskaŭ, paviedamlaje Minabarony ŭ telehram-kanale.
Adznačajecca, što padčas zboraŭ słužbovymi asobami vykanaŭčych kamitetaŭ i administracyi budzie adpracavany kompleks mierapryjemstvaŭ, źviazanych z farmiravańniem terytaryjalnych vojskaŭ i padrychtoŭkaj ich da vykanańnia zadač terytaryjalnaj abarony.
Na zaviaršalnym etapie zboraŭ vajennaabaviazanyja voźmuć udzieł u kamandna-štabnych vučeńniach pad kiraŭnictvam namieśnikaŭ staršyń Homielskaha abłasnoha i Minskaha haradskoha vykanaŭčych kamitetaŭ.
U časie vučeńniaŭ padraździaleńniam terytaryjalnych vojskaŭ treba budzie achoŭvać abjekty žyćciezabieśpiačeńnia, sačyć za hramadskim paradkam na vulicach haradoŭ sumiesna z asabovym składam orhanaŭ unutranych spraŭ.
Čytajcie taksama:
«Słabyja patuhi asobnych ekstremistaŭ». Chrenin anansavaŭ dalejšyja pravierki bojehatoŭnaści
Kamientary