Ministr abarony Ukrainy ličyć, što čakańni ad kontrnastupu «krychu pierahretyja»
«Ale heta narmalna — čakańnie pośpiechu», — miarkuje Alaksiej Reźnikaŭ.
Ministra abarony Ukrainy spytali, ci zhodny jon, što čakańni ŭ hramadstvie ad kontrnastupu «krychu pierahretyja», i pytańnie, chto «hreje bolš»: ukrainskaje hramadstva, palitykum abo Zachad, piša RBK-Ukraina.
«Zhodny, što čakańni pierahretyja. Heta dakładna pierahreta, usie chočuć čarhovaj pieramohi. Raniej nie vieryli ŭ pieramohu. Raniej chacieli, kab Ukraina vyžyła choć niejak minimalna, kab choć niejkaja častka Ukrainy zachavałasia. A kali USU pakazali pośpiechi, usie pačali vieryć u pieramohu — paśla Źmiainaha, paśla Kijeŭščyny, Čarnihaŭščyny i Sumščyny, paśla Charkaŭščyny, Chiersona. Chočuć nastupnaj pieramohi. Heta narmalna, heta emocyi — čakańnie pośpiechu».
Na pytańnie, ci nie bačyć jon škody ŭ hetym, Reźnikaŭ adkazaŭ, što nie moža heta źmianić.
«Maja mama (psichijatr i psichaterapieŭt) zaŭsiody mnie kazała: «Kali ty nie možaš źmianić abstaviny, pastarajsia źmianić svajo staŭleńnie da ich». Tamu my ŭzhadniajem z Hienštabam i Hanna Malar (namieśnica ministra abarony Ukrainy) potym kaža: «Chłopcy, nie zavyšajcie ŭłasnyja čakańni, kab potym nie było rasčaravańnia. Potym źniervujeciesia. Nie ŭsio tak prosta, heta vajna. I mała taho, my vam dakładna nie skažam, kali, jak i dzie».
Ciapier čytajuć
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara36
Kamientary