Rasija hatovaja pradavać haz Kazachstanu dla zabieśpiačeńnia poŭnačy i ŭschodu krainy tańniej, čym Biełarusi, paviedamiŭ ministr enierhietyki Kazachstana Ałmasadam Satkalijeŭ.
«Jany nam dajuć haz pa canie značna nižejšaj, čym, dapuścim, Biełarusi», — skazaŭ Satkalijeŭ žurnalistam u sieradu, havoračy pra pieramovy z «Hazpramam» ab zabieśpiačeńni hazam poŭnačy i ŭschodu Kazachstana, paviedamlaje AFN.
«Rasija, razumiejučy, što efiektyŭnaja praca mahčymaja tolki ŭ dvuchbakovym režymie, idzie nasustrač u častcy vyznačeńnia cany, jakaja ŭ razy nižejšaja za jeŭrapiejskija ceny i značna nižejšaja, čym na miažy Rasii i Biełarusi», — dadaŭ jon.
Biełaruś atrymlivaje rasijski haz pa 128,5 dalara za tysiaču kubamietraŭ — i heta samaja nizkaja ekspartnaja cana ŭ śviecie. Cana pastavak u Kitaj pa trubapravodzie «Siła Sibiry», jakaja aficyjna nie raskryvajecca, składaje 290 dalaraŭ za tysiaču kuboŭ. Na spotavym jeŭrapiejskim rynku ŭ sieradu, 19 krasavika, haz kaštuje 479 dalaraŭ za tysiaču kubamietraŭ.
Pa słovach kazachstanskaha ministra, adbyŭsia šerah sustreč kiraŭnictva «Hazprama» i kazachstanskaha QazaqGaz.
«U nas jość płan, jość papiarednie ŭzhodnieny maršrut novych hazapravodaŭ, jakija pryjduć z Rasii», — dadaŭ ministr.
Ciapier čytajuć
Prateže łukašenkaŭskaha favaryta Baskava buduje akademiju ŭ Brazilii i Ńju-Vasiuki suśvietnaha maštabu7
Kamientary
Kak ukraincy kinuli .
Tak čto prosto raśpił i pierieprodaža haza v intieriesach uzkich kruhov.